"Desdi 14 ano di idade N ta sufri ku problema di menstruação"

Nta xinti ma kel pessoa contente kin era Nka é mas,

 Caboverdiana dezabafa situason ke ta passa pa lida ku mestruaçao...

Oie Boa Tarde, nhox pon el na anónimo favor, txiga ponto ki Nka konsigui aguenta Nka pensaba ma N ta ben desabafaba li mas foi alternativa kin atxa.

Ami é un joven di 26 ano,  Nta mora na Praia. Desdi 14 ano di idade N ta sufri ku problema di menstruação as vez N ta fika kol durante meses e meses, Nta xinti dor dimax as vez N ta fika na txon ku dor na útero, txeu kaiambra, N ta xinta N ta txora ka ten nen alguém di N desabafa kol ki fari pa djudan, N ta fika dias sem apetite, dor ku tristeza ta domina tud.

Sempre N ta fazi konsulta ex ta dan ramed ex ta mandam casa, ex dia li N marca un ecografia pélvica na un  clínica na Plató, nton Dr flan ma tud nha problema, kes sangue ki  ta sai txeu txeu txeuuu sen controlo é pmd N ten ovários micropollicísticos ki ka podé sta sen pílula e nha tristeza é toma pílula un bex bai, e ten na mente ma N ten dificuldade di ten fidjo mas Tarde. N tené otus konsulta pan fz mas Nka ten komo pmd é caro e mi é apenas un studante ainda,fk tude hr ta pidi alguém pa djudan e fk senpre ta expõe nha problema e ka nd sabe e txeu pessoas nen ka ta liga.

Nha namorado senpre ta lamenta kelá djunt ku mi e  ta pon xinti kada bex un "nada" só ki N ka ta dal a perceber.

El é  sabé drete di nha problema ,  el ta fk ta flam ma nten ki ser fort e Nta xinti ma nu fundo el tmb djal kansa disso de facto ka ten como pp, si foss ot alguém pp certamente dja danaba ku mi, ma el N sb ma el gosta di mi poriss ki el ta fk ta encorajan.

 El sendo un pessoa ki ka mute gosta di sai kaba pa influencian goci Nta passa nha dia inter dente casa Ntorna kada bex mas izulade di tud e Nka mut tené amigos, tud kim ten e nha família ki sta na Maio, li Nten tmb, mas pa mi és é apenas conhecidos lonje di ser família pp, único ki N ta konta kol li e nha irmon.

Nta xinti ma kel pessoa contente kin era Nka é mas, e alguén dja txiga di flan, ta ten hora ki ta dan vontade kaba ku tude pan ka sufri mas e ka inkomoda ninguen, ma sempre Nta lenbra na nha mai ku nha pai e nta pidi Deuse pa dan força pan kontinua ta suporta e Nta kontinua ta sigui ku nha vida mesmo di forma fingide.

inda N ten un pok di speransa ma existi alguen ki ta podé djudan dribla ex problema.