Jovem manda Carta aberto pa Ministério de Finanças sobre programa de Pro Empresa

Nhos djobi bem cuzé ki sa passa

Carta aberto de um caboverdiano pa Ministério de Finanças.

Muito Bom dia

Nhos publican el anónimo por favor!

É o seguinte Cabo-verdianos, n´sa bem dexa um apelo/recomendação pa Ministério de Finanças, liderado pa V. Excelência Dr. OLAVO CORREIA. Nós tudo Jovens e Mulheres Cabo-verdiano ki poi documento a mais de seis (6) ou mais meses ainda na PRO EMPRESA e ki dja tem mas de 2/3 meses ki djés avisa ma processo dja sta APROVADO pamodi ki ainda CAIXA ECONÓMICA ca sa txoma. 

Nhos djobi bem cuzé ki sa passa, si problema sta na nhos ou na CAIXA. Sima PRO EMPRESA, n´ka sabi si é PRO ou ANTI EMPRESA, situson ki sta li é complicadíssimo, mesmo porque, sta pessoas ki cré leba si vida pa frenti e cria rendimento pa da um vida digno a si família através de és programa e o ki sa passa é isso. Mas um vez Sr. Dr. Olavo Correia e si equipa sa dexa és programa louvável cai na desgraça e disgracia famílias Cabo-verdianos outra vez, tal como, IEFP faze cu Estágio Profissional. É uma vergonha e tristeza dexa és grandes programas ki é capaz de poi famílias ta vivi mas digno ta desmorona de és manera.

Kel crédito ki és sa bem da é ca nenhum favor não, mesmo porque, para além de fundo nacional, governo recebi de fundos internacionais pa és efeito, por isso, ca nhos bem usa és capital pa otu atividade e dexa pequenos empresários e pessoas que sa bem começa nés atividade na expetativa e na sofrimento. É por isso que no sa odja maioria de Jovens e mulheres de hoje em dia ta opta pa caminhos de criminalidade, é ca por acaso, é por falta de políticas e de seriedade de políticas implementada. Nhos djobi seriedade nés processo e culpado por favor pamodi povo sta tudo indignado.