"Kes mães k ta ganha 10 contu pa mês mod kes ta consigue alimenta ses fidjus"

Ami ta dam dor pamodi cantu mi era pikinote djam passaba pa kela

 Dezabafu di um jovem caboverdiana di 22 anos. ki prefire fica anonoma... é ta questiona motivo ki pessoas ka ta fazi manifestason pa ki situason na Cabo Verde midjora, é ta lamenta salario poco pa cubre tudu dispesa mensal...

"Ami ntem 22 ano mi é estudante nta mora mi ku nha colega

Hoje nu bai faze compra cada nos ta poi 3000$ pa compra tudo kuza sta caro!

As vezes ta bai metade mês nada ka ta tem pa cume é pa bai ta aguenta te que fim di mês txiga pa torna fazi compra

Ami go nta fica ta imagina kes mães k ta ganha 10 contu pa mês mod kes ta consigue alimenta ses fidjus

Ami ta dam dor pamodi cantu mi era pikinote djam passaba pa kela claro nka passa fome, nha mãe nunca dexa kela contice, ma nta odjaba mode kel ta ficaba triste horas que nu fral ma dja nu cansa kume tudo dia mesmo kuza, ma nu tene gana cume "galinha" e é ka tinha dinheru pa cumpra...

Ami nka sabe nhos ma nta sinte dor de kes familias k ta ganha pocu e mesmo assim ta sufri nes país, unde que deputados ta ganha um monte dinheru so pa fica ta linguara na parlamento pamodi resolve prublema ninhum des ka ta resolve.

Nta fica ta pergunta pamodi k ninguem ka ta sai pa manifesta??

Será que nhos ta ama mesmo o próximo sima nhos ta sta li ta demostra na facebook???

Pamodi k nta odja txeu alguem na campanha ta grita na sabura pamodi kes ka ta reune sim també pa fazi manifestação??

Juro ami sim tinha dinheru nta pagaba nhos sima guentes campanha sa ta paga pa nu bai fazi manifestação...

Nhos é sima kuza nhos sta cegu ka sta consigue odja mod k sta difícil vive na Cabo Verde hoje.

Gosi djes subi preço de luz, em pleno século 21 alguem ka tem condições de poi luz na casa, alguem ta passa fome, Cabo Verde nem ka grande ku um pocu mas esforço pa parte de politicos tudo alguem ta tinha um vida dretu... mas mi so nka ta podi ajuda ninguém😢

Caboverdianos nhos acorda de favor!!!"