"Ndescubre ma nha namoradu ta train atravez di si amigo ki bem conquistan"

Ndiscubre ma nha namorado ta train di forma ki nem nka ta imaginaba.

Ola, boa noite Dexam Sabi, nsta li ta dezabafa nha storia, nkre fika anonima. 

Nsta li pan dezabafa um situason ki kontice ku mi ki ti inda ta pensa nel.

é siguinte, sempre ta fladu ma homi é katxor isso y tal mas mi nta ata ma nem tudu ka é si. Mi ku nha namorado sempre nu ta sta dretu, y nunka ka passan na cabeça me ta train, mesmu ki nhas amigas ta flan pa sta riba del pamodi ma homi ka ta dexadu sempre solto.

 Ndiscubre ma nha namorado ta train di forma ki nem nka ta imaginaba. Certo di amigo di nha namorado tenta da riba di mi, ta dan coro, tipo ku gana aproxima y namora, nflal nau, ma se ka odja me sa provoca sabendo ma el é amigo nha namorado, si é ka ta ruspeta amizadi ke tem ku nha namorado. é respondem ma ki ka ta ruspeta é nha namorado, me ta atxa me ka tem respeto pami pamodi me ta sta ku otus minis y ma mi é so mas um. Kel hora dam um nervo dentu mi, fla modi? dexa konta mintira, bu sa fla isso pamodi bo ka num amigo y bu kre aproveita di mi. é fla ma um dia ma nta abre odju. ami nfica discontrolada, nha namorado ta studa na Praia ami nta sta na Santiago, ntom panha telemovel pan txomal y é fla me mentira u ki si amigo flam, ma el é serio. Ami nfica detetive, ntxoma pa pessoas ki sta na Praia pa fika di odju nel, y es fika ta contan kada kuzas ki mi odja ma nstaba ta ser inganada durante txeu tempo. hoje sta li ku es kuza ka ta sai di cabeça, por isso decidi na partilha nha storia.