Praia: Home ki viola y mata si fidju condenadu a 25 ano di cadeia

Tribunal condenal a 25 ano di cadeia por homicidio agravado, violason sexual de forma continuada y posse ilegal di arma branca (faca).

Praia
PAI/ASSASSINO CONDENADU A 25 ANO DI CADEIA...
Si nome é Mȧrio Fernandes.
Fica provadu na Tribunal di Praia ma foi el ki mata ku krueldade si fidju-femia di 15 ano (Jussara) na Maio di ano passado na Lixeira di Praia, Palmarejo Grande.
Tribunal condenal a 25 ano di cadeia por homicidio agravado, violason sexual de forma continuada y posse ilegal di arma branca (faca).
Dipos di analiza relatório medico, fotos, vestigios di sangue y bilhete di identidade di Jussara encontradu na carro de Mȧrio Tribunal tchiga a concluzon ma na dia 13 di Maio di 2015 es pai viola si fidju-femia y dipos matal ku tcheu facadas, principalmenti na rosto y na piscoz.

Na sentença di es segunda-fera Tribunal inda ta fla ma desdi 12 ano ki Jussara sta serba vitima di violason, primero di si tio Carlos y dipos di si propri pai ki es ta durmima na mesmo cama.
Jussara até confessa ku lagua na odju a amigas y a un si prufessora ma si pai ta “abuza del como mudjer”. Foi por isso ki ku 15 ano ê sai di casa di si dona na S.Martinho y ê passa ta vive ku un amiga na zona di Brazil, na Praia. Foi nes zona ki si pai bai buscal na dia 13 di Maio di ano passado, por volta di 6 hora di tarde. Mario enganal ma era pa bai vizita si dona na S.Martinho mas ê desvia carro na Lixeira di Palmarejo undi ê violal y dipos ê matal. Bȧrbaramente.

PS- Fica tambe provadu na Tribunal ma propi Jussara prucura PJ pa denuncia abuzos ki e sta sufreba di si pai y di tio, mas ê dizisti di formula queixa. Crime kontra menor de idade devia ser crime publico, crime ki ka mesti quexa pa autoridades cumeça ta investiga). fonte:ok