USA: Konxi es kriola-merkana ki sta djuda txeu kriolu discubri si stória y si raiz

pa Nanie pa bu konxi kultura di Cabo Verde primeru bu ten ki konxi stória di bu antepasadus ki ta mergudja na noti d’Africa ou na konfins di Europa.

NANIE LIMA , A GENEALOGISTA...
Nau nau, e ka genecologista ( médica ki ta trata di assuntos di vagina)
Ê GENEALOGISTA: Pessoa ki ta investiga ligason familiar através di nomes, apelidos, fotografias, data y local di nascimento, etc. Ê di es forma ki Anna Lima, + konxidu pa Nanie, dja desvenda storia y antepasadus di txeu cabo-verdianos ki por alguma motivo kre conxi ses raiz.
Mas primeru odja moda ki es kriola nascida na Merka ta aprezenta si cabesa:

“Nha nome ê Anna Lima. N’naci y n’kria na estado di Massachussets, na Merka. N’ten un obseson pa Cabo Verde, pa si stória y si genealogia. N’tevi sorti di konxi nha bizavo Maria Coelho Rodrigues ki labantan interesi y inspiran pan konxi stória di nha familia. N’ta spera ma n’ta partilha y ma n’ta inspira otus pa discubri ses propria storia familiar”.

Pa Nanie, neta di Pa Bedju di Mosteiros, pa Nanie pa bu konxi kultura di Cabo Verde primeru bu ten ki konxi stória di bu antepasadus ki ta mergudja na noti d’Africa ou na konfins di Europa. So ora ki bu konxi stória di bu gerason ê ki bu ta komprendi verdaderu sentidu di es palavra dificil di xplica ki nu ta txoma kauverdianidadi.

PATOLOGISTA DI LINGUAGEN
Mas Nanie Lima ê ka genealogista di profison. Korri tras di si antepasadus y djuda otus a discubri si raiz ê un paixon ki ê ta partilha ku si verdaderu prufison ki ê Terapista di Fala y di Linguagen (Speech Pathologist) un especialidadi ki ta djuda pessoas (sobretudu criansas) ki ten prublema na papia ou na intendi. Si “dotes” di genealogista ta djudal txeu sobretudo ora ki ê ta trata di pacientes ki ten prublema di memoria.

Nanie ta partilha si estudos y investigasons na blog “ The Creola Genealogist” ki bu podi vizita : https://the-creola-genealogist.com/  fonte;ok