Ê ta juga na Portugal y ê ta karrega nomi di un di kes maior lenda di futebol africano

E ka facil treina futebol 2 hora tudu dia dipos di pasa 8 hora sakedu na trabadju, mas ki ta movel ê kel forsa y kel determinason di un dia juga na primera divizon y vivi só di futebol

ROGER MILLA CABO-VERDIANO...
Si nome kompletu ê Roger Milla Brito Miranda, mas na futebol e konxedu pa Roger Milla.
Nome foi si pai ki pol dipos di ê naci na Santo Antăo na dia 28 di Setembro di 1991 ( poku + di un ano dipos di primeru Roger Milla inscrevi si nome na livro douradu di futebol mundial kuandu ku 38 anos di idade ê lidera y ê leba Camarðes pa kuartos-de-final di Mundial di Italia).

Sima si homónimo camaronez es Roger Mila cabo-verdiano sempri tevi grandi paixon pa futebol ( ê ku grandi honra y orgulho ki ê fla ma ê ta karrega nome di es “historico” di futebol mundial)

Dipos di juga na Paulense di Santo Antăo es joven ki teni hoje 25 anos di idade ruma pa Portugal na na 2013 pa ê bai juga na Algés, mas ê ka ka mutu na equipa di Oeiras. Na época siguinti ê sina pa Alverca y dja ten 3 temporada ki ê sta juga kampionatu distrital nes equipa di subúrbio di Lisboa.

Mas kual ê ligason entre es kraki cabo-verdiano y “verdaderu” Roger Milla ?
Kuazi ninhun, pa alen di paixon pa futebol. Nen es ka ta ocupa mesmu puzison ( Roger Milla Camaronez era avansadu enkuantu es joven cabo-verdiano ê médio defensivo. E ka kontxel pessoalmenti y també nunca e ka odjal ta juga pamodi “grandi” Roger Milla dexa futebol na 1996 kuandu es cabo-verdiano tinha so 5 ano di idade).

JUGA NA SELESON DI CABO VERDE...
Ê un di kes maior sonho di es joven santantonensi ki pa ganha-pon di kada dia pa alen di juga futebol també é ta trabadja nun restaurante na Lisboa. Ê fla ma e ka facil... E ka facil treina futebol 2 hora tudu dia dipos di pasa 8 hora sakedu na trabadju, mas ki ta movel ê kel forsa y kel determinason di un dia juga na primera divizon y vivi só di futebol, ki ê kuza ki + ê ta gosta di fazi.
Será ki es Roger Milla cabo-verdiano ta fazi jus a si nome y un dia ê ta ben piza kes grandi palco di futebol?
Ka ten forma di sabi, mas un cuza e certu : Na futebol tudo é possivel... fonte:ok