E ka so Wendy, ten txeu otus fidjus di cabo-verdianos ki sta nes mesmu situason tantu na Spanha, como na Italia, Portugal , etc .
Wendy (esquerdo na foto djuntu ku si namorada na Spanha ) Wendy naci na Madrid na dia 03 di Marsu di 1994. Sempri ê vivi nes cidade mas na pasadu mes di Agosto ê konvocadu na Centro de Internamento de Estrangeiros (CIE) pa ê bai trata di alguns papeladas relacionadu ku si prucesu di regularizason admnistrativu.
Sen kualker avizu prévio policia prendel y mantel 2 dias na kalabousu antis di Delegason di Governo manda pol na avion y deportal diretu pa Cabo Verde .
Desdi es data (dja ten + di 2 mes) desdi es data Wendy sta vivi dizesperadu na Cabo Verde, un paiz ki nunka e ka pizaba antis . Pa tras fika si mai, si irmon, si cunhada, si sobrinhos , si namorada , si amigos di infancia ...
Pa Wendy es deportason pa Cabo Verde ê un verdaderu pezadelu ki sta afetal psicologicamente ( dja bu imagina di noti pa dia bu ser deportadu pa un paiz ki nen bu ka konxi?.
Drama di Wendy kumesa dja ten + ou – un ano kuandu policia paral ta pidil documento, documento ki ê ka tinha en orden pamodi embora ê naci na Spanha ( sima ta konsta na si certidon di nascimento ) embora ê naci na Spanha si mai registal el ku si irmons komu cabo-verdianos.
Embora ê tinha autorizason di rizidencia, na mes di Agosto, na mumentu ki ê foi prezu pa policia, prucesu di renovason di es mesmu autorizason di rezidencia staba en andamento mas mesmu si autoridades spanhol abril un prucesu de deportason , cuza ki ka kenha ki konxi lei ê un verdaderu aberrason juridico.
PAPELADA...
Desdi ki es naci Wendy ku si irmon sempri vivi na Spanha ku autorizason di rezidencia ( E ku es dokumentu ki es bai scola, ki es entra colegio, ki es trabadja, enfin , ki es fazi ses vida).
Si irmon ben konsigui nacionalidade Spanhol mas Wendy por algun motivo ben atraza ku “papelada” y di un mumentu pa otu ê labantadu es prucesu di extradison.
ULTIMA VIA LEGAL
Familia di Wendy kontrata un advogadu ki sta bai tenta meti un rekursu komu ultimo via legal pa revoga orden di deportason y tra Wendy di Cabo Verde y lebal di volta pa Spanha mas prucesu tambe ê komplicadu pamodi rekursu sima lei ta manda es rekursu ten ki ser aprezentadu na mesmu servisu admnistrativu ki da Wendy ordi di deportason ( Delegason di Governo)
Y ê nes incerteza y dizusperu total ki Wendy dja ten uns 2 mes na Cabo Verde, un paiz ki nunka ê ka pizaba antis... fonte:ok
COMMENTS