Ulisses Correia e Silva fla ma Cabo Verde dja sta discuti es ideia ku Comuniadde Europeia.
Schengen ê un pequeno localidade na Luxemburgo. Foi la ki na 1995 sinadu es acordo ( acordo di Schengen) ki ben pirmiti livri circulason di pessoas y bens na 26 estados europeus ( + di 400 milhons di pessoas) atravez di iliminason di kontrolu na frontera internu di kada estado membro . Foi es acordu ki ben pirmiti kriason di “Espaco Schengen” ku abolison total di vistos mas ku aplicason di normas kumun di cooperason em materia di seguransa maritima y aerea, cooperason policial y judicial, etc, etc.
Aplicason di Acordos di Schegen passa pa txeu testes, mas si maior dor-di-kabesa ê es vaga di refugiados ki sta txiga di Medio Oriente y Norte di Africa y ki leba alguns paizes sima Alemanha, Austria y Hungria a suspendi temporariamenti es acordos pa volta a kontrola ses frontera.
Ê portantu na meio di si maior krizi ki sta poi en risco si futuro (ventiladu hipoteze di si disoluson) ê portantu nun altura ki “Schengen” sta enfrenta si maior krizi ki primeru ministro Ulisses Correia e Silva fla ma governo sta encarra possibilidade di Cabo Verde ben passa ta ser un espécie di “extenson di espasu Schengen” undi tudu cabo-verdianos podia entra y circula livrimenti.
Ulisses Correia e Silva fla ma Cabo Verde dja sta discuti es ideia ku Comuniadde Europeia. Pa el es adezon ta ben pirmitiba libertason di encargos ku trabadjus admnistrativos y custos associados di emison di vistos.
Ideia ê bunito mas impossivel di realiza a medio prazu ( discuson ta lebaba décadas sima sta kontici ku Moldavia por izemplu)....Y nun Europa “fortaleza” divididu pa si ismos y egoismos y nun altura ki es mesmu Europa sta enfrenta si maior crizi di refugiados di sempri ê poku provavel ki ses chefes ben aceita extendi ses frontera kumun ti Cabo Verde y recebi un “korpu stranhu” na ses meio, tantu + ki es “korpu stranhu” ka nen forma nen meio di implementa kel tal “fronteira inteligente” capaz di deteta a “distancia” imigrason ilegal ou otu tipos di kriminalidadi.
Para já cabo-verdianos ten ki kontenta ku es tal “Parceria para a Mobilidade” ki teni dificuldade na ser aplicadu . Objetivo di es parceria ki entra en vigor ano passado ê “facilita” vistos di kurta durason a certos categorias di profissionais de cabo-verdianos ( en troka Cabo Verde prumeti recebi imigrantes ilegal ki entra na Europa atravez di Cabo Verde) mas aplicason di es parceria ben cauza situasons di abuzu na Centro Cumum de Vistos, na Praia, ki sta ser investigadu por kurupson y incentivu a trafico ilegal di pessoas. fonte:ok
COMMENTS