Cabo-verdiano mortu na Brazil a paulada ta trabadjaba na Sal

Luxor Dion Monteiro, 30 anos, morri es sexta-fera nun ospital di Brazil dipos di ser agrididu a paulada

LUXOR TA FLABA MA SI MAI ERA DI SANTO ANTÀO...
Segundo un si ex-kolega ki trabadja kol na otel Melia Dunas , na ilha do Sal, Luxor (na foto) ta flaba ma si mai era di Santo Antăo mas ma si familia ta viveba na Angola undi ta vivi si pai ku kantu irmon.

Luxor Dion Monteiro, 30 anos, morri es sexta-fera nun ospital di Brazil dipos di ser agrididu a paulada pa un adolescente di 17 ano ki konfesa krimi na policia.
Agreson foi na bera di un auto-estrada ( BR-040) pertu di un centro comercial entre sidades di Matias Barbosa e Juiz de Fora, na estado di Minas Gerais.

Kuandu policia txiga pa alen di Dion ki es enkontra ku gravi ferimentu na kabesa es discubri tambe un otu individuo di 17 ano sukundidu dentu di un atocarro ki kaba pa konfesa ma foi el ki agridi vitima y até ê mostra arma di krimi ( un po di madera ku metro y meio di kumprimento).
Motivo di agreson? Ê fla policia ma Dion sta pernoitaba na si “abrigo”.
Segundo fonte policial tantu es cabo-verdiano komu si agresor brazileru ta viveba na rua ( “andarilhos” sima es ta fla na Brazil ) y Luxor foi ate abordadu pa un equipa policial un dia antis di si morti na patio di un restaurante perto di es “rodovia)
 Dior inda lebadu pa ospital ma ê ka rizisti a ferimentos. Na si puder ê tinha un passaporte cabo-verdiano ku documento de rezidencia valido di 2015 a 2018. Segundo si ex-kolega di trabadju na Cabo Verde Luxor dexa Cabo Verde provavelmenti na 2015.
Policia inda sta investiga kazu. Fonte:ok