Preokupason di un Cabo-verdiano na Portugal indignadu ku lentidon/paralizason di servisu konsular na Embaixada
“Ka ten sistema” e un disculpa ki ta obidu txeu na repartisons di stadu di Cabo Verde, tantu na CV komu na Embaixadas y Konsuladus na Srangeru. Na Portugal dja ten 2 mes ki sta dadu es resposta na servisu konsular di Embaixada pamodi aparentimenti es teni prublema ku rede informatico ki sima na tudu servisus di stadu di Cabo Verde ê geridu pa NOSI (Núcleo Operacional da Sociedade de Informação ). Xatiadu ku es situason Djonzinho Baessa ta pidi Embaixada pa fitxa porta y so abri oras ki es riuni kondison. Si rekumendason e kel li:
“ Nes mumentu li nha recomendason pa Embaixada de Cabo Verde em Lisboa e pa es fitxa porta, pa e emiti um aviso ma es ka sta reuni condições pa funciona y so reabri porta a partir de momento em ki es reuni condições.
Dja ten aproximadamente 2 meses ki es sta sem sistema pa prucesamentu di pedido de passaporte e pa otus serviços informáticos ki é basico e necessário pa funcionamento de Embaixada/Consulado. Di es sistema ta dipendi vida di tcheu cabuverdianos rezidenti na Portugal mas pior e ki nen ka ten un previsao di kuandu es prublema ta rezolvedu.
Horas ku txiga na Embaixada/Consulado, prumero reação é aponta dedu pa NOSI, num forma klaru de dismarca de problema… Kenha ki tiver algum paciência e kizer gasta se €€ de saldo e txoma pa HelpDesk de NOSI (+238260 79 67 / 7973) prumero disculpa ki bu ta recebi é ma ma causa de problema sta na sistema na Embaixada/Consulado de Portugal e ma culpa e ka di NOSI! Então mo ki nu ta fica? Combersu pa boi durmi e ingana coitado...
Pa kenha ki é ka leigo na matéria ou tem noção mo ki maioria di sistemas di Stadu de Cabo Verde sta montado, sabi ma hoje grande parte de instituições de Statu de Cabo Verde hoje tem ses sistemas centralizado na plataforma/DataCenter de Nosi e quase sempre é NOSI ki ta fazi gestão/administração di kes sistemas ou então departamento de informática de instituições de algum forma sta dependente de NOSI.
Seguindo es logica li, kenha ki tem resposabilidade ténica pa es 2 mes di sistema práticalemente indisponivel na Embaixada/Consulado de Portugal (alguns vezes ku disponibilidade 0 durante horas) seria NOSI.
2 mês pa resolvi um problema técnico ki supostamente sta relacionado ku questões de performance? Keli é um claro demostração de incompetência técnica, profissional e falta de respeito.
Agora tem otu lado ki se calhar també devi ser questionado: kuze ki Embaixada sta fazi pa resolvi es problema?
Kuze kes sa ta fazi pa pelo menos pa pressiona ses provedor de serviço (NOSI) e acelera es processo li?
Seria louvavel kes movesse um padja pelo menos pa tinha um resposta formal de NOSI sobre previsão de resolução de problema.
Nha sensação e di ki ninguem ka sabi nada, ninguen ka sabi kuze ki sta passa, ninguem ka sabi quando problema ta ser resolvido!!! Tudo a moda caboverdiana ( ba ta bota dia pa trás, na maior tranquilidade e pasívidade pamodi segundo consta DEUS é caboverdiano)
Agora imagina se fossi um empresa cujo objectivo fosse gera lucro... 2 mes sem sistema??? Das 2 duas uma:
Ou problema staba resvolvido na 2ª hora dipos de detecção de problema ou NOSI dja dexaba di presta serviço a es empresa se calhar ku un um processo de indiminização ta correba na costa.
Ah... ou se calhar vida de cabo-verdianos na Cabo Verde e na diaspora ka tem tanta importáncia assim! Tantas pessoas ki é obrigado a lavanta diáriamente de madrugada, perdi dias de trabadju pa bai porta de Embaixada/Consulado y diposde horas de espera pa obi es respostra na final : "KA TEM SISTEMA HOJE NOVAMENTE)
Es mesmo problema tem stado ta afecta sistemas di monti otus instituiçoes na Cabo Verde durante vários anos e ninguem ka ta movi um padja pamodi dja nu sta habituda ku kel tradicional disculpa "ka tem sistema"!!!
Caboverdianos: nu dexa di ser tão passivo e nu ser mas reivindicativo!!!! fonte:ok
COMMENTS