Angela ku Paul ta trabadja en kolaburason ku Liga Nazareno di Solidariedadi mas es ka ta foka so na leba kuzas material sima kumida ku ropa na bidon. Ses meta ê djuda aumenta kualidadi di vida atraves di edukason y di empuderamentu di jovens ku mudjer
Angela kria na Cabo Verde mas ku 14 anu ê imigra pa Merka ku si familia. Dipos di studa na Universidadi di Boston ê trabadja ku militaris merkanu komu komisária di bordu y dipos komu xefi di prugramason na Marine Corps University, na Quantico, y até ê resebi un medalha de Air Force pa si servisu…
Foi duranti un di si txeu vȏos pa Arabia Saudita antis di operason “Iraqi Freedom” ki Angela konxi merkanu Paul Miller ki gosi ê milital reformadu . Es kaza dja ten 15 anu y na ultimos 10 es ten mandadu , di ses bolsu, 10 mil dolar pur anu pa djuda familias na Cabo Verde.
So ki ku ultimo irupson na Fogo y ku seka di es último anu situason sta piora na ilhas y Paul ku Angela , atraves di Liga Nazareno de Solidariedade, identifika 17.500 familias na Cabo Verde ki sta mesti ajuda ( alimentu). Pa djuda kada familia es kazal ta fla ma ta kusta pelu menus 50 dolar pa mes.
Ê pa angaria es dinheru “extra “ y també pa espandi ses mison na Cabo Verde ki Paul ku Angela disidi kria na Merka un fundason pa angaria fundo. Nomi di Fundason ê ‘That Other May Rise” y Paul ku Angela ta agradesi tudu y kualker kontribuison y es ta garanti ma kada sentimu ki da-du ta txiga si distinatário, seja atraves di dinheru seja atraves di bidjon ki es ta manda pa familias karensiadu .
TRABADU Y PRAGMATISMO…
Angela ku Paul ta djuda ku dinheru y ku alimentos mas es sabi ma ê ka kes li ki a médio/longu prazu ta muda kualidadi di vida di familias na CV … Ki ta muda kualidadi vida e EDUKASON... Ê pur isu ki es kazal ta insisti na edukason di jovens y es ka ta nega djuda pága universidadi pa kes studantis ku menus rekursu sima na kazu di Zeki, di Porto Mosquito, ki dipos di forma podi volta pa si aldeia y djuda otu jovens “rise together”. Sima nun timi di futebol es ta fla ma Cabo Verde ka podi dexa tudu si talentos sai pa fora. “E djuntu ki nu ta triunfa”.
Paul ku Angela ta viveba na Hawaii mas desdi 2006 es sta rizidi na sidadi di Spotsylvania , na Virginia . Sempri es ta vizita Cabo Verde y Paul ta fla ma CV torna si sigundu Patria, CV ki nen siker e ka sabe-ba ma izisti antis di ê konxi si mudjer.
Pa bu partisipa ou pa bu sabi + sobri ses prujetu vizita es página
(https://thatothersmayrise.org/ ) fonte:ok
Foi duranti un di si txeu vȏos pa Arabia Saudita antis di operason “Iraqi Freedom” ki Angela konxi merkanu Paul Miller ki gosi ê milital reformadu . Es kaza dja ten 15 anu y na ultimos 10 es ten mandadu , di ses bolsu, 10 mil dolar pur anu pa djuda familias na Cabo Verde.
So ki ku ultimo irupson na Fogo y ku seka di es último anu situason sta piora na ilhas y Paul ku Angela , atraves di Liga Nazareno de Solidariedade, identifika 17.500 familias na Cabo Verde ki sta mesti ajuda ( alimentu). Pa djuda kada familia es kazal ta fla ma ta kusta pelu menus 50 dolar pa mes.
Ê pa angaria es dinheru “extra “ y també pa espandi ses mison na Cabo Verde ki Paul ku Angela disidi kria na Merka un fundason pa angaria fundo. Nomi di Fundason ê ‘That Other May Rise” y Paul ku Angela ta agradesi tudu y kualker kontribuison y es ta garanti ma kada sentimu ki da-du ta txiga si distinatário, seja atraves di dinheru seja atraves di bidjon ki es ta manda pa familias karensiadu .
TRABADU Y PRAGMATISMO…
Angela ku Paul ta djuda ku dinheru y ku alimentos mas es sabi ma ê ka kes li ki a médio/longu prazu ta muda kualidadi di vida di familias na CV … Ki ta muda kualidadi vida e EDUKASON... Ê pur isu ki es kazal ta insisti na edukason di jovens y es ka ta nega djuda pága universidadi pa kes studantis ku menus rekursu sima na kazu di Zeki, di Porto Mosquito, ki dipos di forma podi volta pa si aldeia y djuda otu jovens “rise together”. Sima nun timi di futebol es ta fla ma Cabo Verde ka podi dexa tudu si talentos sai pa fora. “E djuntu ki nu ta triunfa”.
Paul ku Angela ta viveba na Hawaii mas desdi 2006 es sta rizidi na sidadi di Spotsylvania , na Virginia . Sempri es ta vizita Cabo Verde y Paul ta fla ma CV torna si sigundu Patria, CV ki nen siker e ka sabe-ba ma izisti antis di ê konxi si mudjer.
Pa bu partisipa ou pa bu sabi + sobri ses prujetu vizita es página
(https://thatothersmayrise.org/ ) fonte:ok
COMMENTS