Futebol: Kenha ki ta ganha kopa do mundo ?

Gosi ki metadi di partisipantis dja sta fora ta fika mais facil fla...

Será un di kes vensedoris di sempri ou un un novu paiz ta ben forsa entrada nes grupinho d’elite di vensidoris di Kopa ? Desdi vitoria di França na 98 ninhun otu paiz ka entra nes grupinhu, di forma ki si badu pa tradison vensedor di Mundial di Russia 2018 ta ben ser Spanha, Inglaterra, Uruguai, França ou Brazil ...Belgica ku Portugal podi até sta kré kebra tradison, mas Belgica sen Lukakus ki podi sta lezionadu y Portugal ku si futebol “insustentável” difisilmenti ta ben ganha 4 jogu sigidu.

Rapara na ladu eskerdu di tabela :
Mesmu si na “mata mata’ Portugal ilimina Urugay ê ta ben kontra ku França ou Argentina na kuartos-de-final ou un Brazil na meias finais.

Seleson ki teni kaminhu menus difisil pa final ê seleson di Spanha, ki embora sen enkanta ê ten stadu ta kumpri ( resta sabi ti ki pontu “veteranos” ta aguenta disgasti fiziku). Na final Spanha podi kontra ku Brazil ki també embora inda ka konvensi sta midjora tudu dia. ...Na kaminhu brazilerus podi kontra ku Argentina di Lionel Messi finalista na 2014 mas Argentina posivelmenti ka ta ultrapasa si propi limitason tátiku sima odjadu na ultimos 3 jogos ku ses maior golidor di stória ( Lionel Messi) ta “diambula” na meio kampu.

...So ta resta Inglaterra ( mas inglaterra inda ê un “incógnita” pamodi inda ês ka enfrenta ninhun seleson di pezu nes mundial).
Dexa bu palpiti. fonte:ok