Kriolu-Merkanu Jeff Xavier tevi es quinta-fera un atuason di luxo na jogo di Cabo Verde kontra Costa do Marfim "Sen Basketbol ou ...
Kriolu-Merkanu Jeff Xavier tevi es quinta-fera un atuason di luxo na jogo di Cabo Verde kontra Costa do Marfim
EH FLA MA SEN BASKETEBOL OU EH STABA MORTU OU EH STABA NA CADEIA
Ninguen ka mesti fla Jeff Xavyer ma el eh un vencedor, ma el eh un stória di suceso ki podi inspira centenas di jovens kriolu na Merka ki sta perdidu na mundo di droga y di delinquencia ki so ta leba pa 2 lugar : Cadeia ou Cemitério.
Talvez oje ka era dia di recorda si storia, talvez oje era dia so di filicital pa si brilhanti atuason na vitoria “historica” di Cabo Verde kontra Costa do Marfim es quinta fera na Afrobasket 2015. Jeff salta di banco na segunda parte pa eh marca + pontos ki qualquer otu jugador na campo, el foi facto Midjor Jugador di encontro.
Mas nu ta konta si stória pa nu lembra ma na vida nada ka kontici por acazu . Es brilharete di Jeff Xavier na es primeru jogo di Cabo Verde eh rezultadu di anus y anus di trabadju y di sacrificio, mas eh sobretudo rezultadu di un determinason firmi di ser alguén na vida, di venci abstaculos y di ultrapasa dificuldades.
“ FOI BASQUETEBOL KI SALVAN...”
Es frase ta da ki pensa, Jeff Xavier flal anu pasadu durante un estagio na si ex- equipa di Provicence College. Eh fla inda ma si ka fosse basquetebol ou eh staba mortu ou eh staba na cadeia.
Jeffrey Xavier naci na Providence, estado di Rhode Island, na dia 7 di Setembro di 1985 ( Eh sta ben kompleta 30 anu). Eh Fidju di Alice ku Pedro Xavier. Fidju di pobri nun paiz di rico, Jeff Xavier tevi un infancia komplicadu djuntu ku + 4 irmons, ku si pai sempri na cadeia y ku si mai sempri ta luta pa sobrevivencia ( Un bez si pai da si mai tiro y passa 8 anu na cadeia, kuandu eh sai Jeff yinha 13 anu).
Jeff ta fla ma familia ta staba sempri “kebradu”, també ninguen ka ta importaba. Aparentimenti si distino dja staba trasadu , distino di “drug dealer” sima txeu otus jovens na si circunstancia ki kria sen un lar fixu ta odja ta odja tiroteios y droga ta circula na rua.
Mas nau.
BASKETEBOL SALVA SI VIDA
Foi basquetebol ki grantil studu na Manhattan College, foi també basquetebol ki pirmitil diploma na 2009 na Providence College. Inda hoje eh na basquetebol ki eh ta tra rendimentu pa sustenta si familia, eh tambe basquetebol ki pirmitil viaja pa mundo y també conxi Cabo Verde, cuza ki tornal mutu + maduro, mutu + konsciente di caminho ki eh percorri. Finalmenti foi basquetebol ki pirmitil un certo reconhecimento y ruspetu ( Quenha ki ka gosta di ser famozu? ) Jeff Xavier eh di facto un di kes poku jugador local ki juga na equipa di Providence College, el eh un nomi ruspetadu na cidade.
VIDA NA STRANGERU...
Sonho di Jeff Xavier sima di tudu basquetebolistas di TOP era juga na NBA. Eh stevi inda na Draft di 2008 mas cedu eh tra koncluzon ma nen tudu sonho ka ta rializa. Eh por isso ki eh ruma pa Europa, el eh desdi 2013 jugador di Medi Bayreuth, di Basqueteball Bundesliga, na Alemanha , mas antis eh passa pa Spanha undi eh dexa bons recordasons.
fonte:ondakriolu
"Sen Basketbol ou N'staba mortu ou na cadeia" - Jeff Xavier
EH FLA MA SEN BASKETEBOL OU EH STABA MORTU OU EH STABA NA CADEIA
Ninguen ka mesti fla Jeff Xavyer ma el eh un vencedor, ma el eh un stória di suceso ki podi inspira centenas di jovens kriolu na Merka ki sta perdidu na mundo di droga y di delinquencia ki so ta leba pa 2 lugar : Cadeia ou Cemitério.
Talvez oje ka era dia di recorda si storia, talvez oje era dia so di filicital pa si brilhanti atuason na vitoria “historica” di Cabo Verde kontra Costa do Marfim es quinta fera na Afrobasket 2015. Jeff salta di banco na segunda parte pa eh marca + pontos ki qualquer otu jugador na campo, el foi facto Midjor Jugador di encontro.
Mas nu ta konta si stória pa nu lembra ma na vida nada ka kontici por acazu . Es brilharete di Jeff Xavier na es primeru jogo di Cabo Verde eh rezultadu di anus y anus di trabadju y di sacrificio, mas eh sobretudo rezultadu di un determinason firmi di ser alguén na vida, di venci abstaculos y di ultrapasa dificuldades.
“ FOI BASQUETEBOL KI SALVAN...”
Es frase ta da ki pensa, Jeff Xavier flal anu pasadu durante un estagio na si ex- equipa di Provicence College. Eh fla inda ma si ka fosse basquetebol ou eh staba mortu ou eh staba na cadeia.
Jeffrey Xavier naci na Providence, estado di Rhode Island, na dia 7 di Setembro di 1985 ( Eh sta ben kompleta 30 anu). Eh Fidju di Alice ku Pedro Xavier. Fidju di pobri nun paiz di rico, Jeff Xavier tevi un infancia komplicadu djuntu ku + 4 irmons, ku si pai sempri na cadeia y ku si mai sempri ta luta pa sobrevivencia ( Un bez si pai da si mai tiro y passa 8 anu na cadeia, kuandu eh sai Jeff yinha 13 anu).
Jeff ta fla ma familia ta staba sempri “kebradu”, també ninguen ka ta importaba. Aparentimenti si distino dja staba trasadu , distino di “drug dealer” sima txeu otus jovens na si circunstancia ki kria sen un lar fixu ta odja ta odja tiroteios y droga ta circula na rua.
Mas nau.
BASKETEBOL SALVA SI VIDA
Foi basquetebol ki grantil studu na Manhattan College, foi també basquetebol ki pirmitil diploma na 2009 na Providence College. Inda hoje eh na basquetebol ki eh ta tra rendimentu pa sustenta si familia, eh tambe basquetebol ki pirmitil viaja pa mundo y també conxi Cabo Verde, cuza ki tornal mutu + maduro, mutu + konsciente di caminho ki eh percorri. Finalmenti foi basquetebol ki pirmitil un certo reconhecimento y ruspetu ( Quenha ki ka gosta di ser famozu? ) Jeff Xavier eh di facto un di kes poku jugador local ki juga na equipa di Providence College, el eh un nomi ruspetadu na cidade.
VIDA NA STRANGERU...
Sonho di Jeff Xavier sima di tudu basquetebolistas di TOP era juga na NBA. Eh stevi inda na Draft di 2008 mas cedu eh tra koncluzon ma nen tudu sonho ka ta rializa. Eh por isso ki eh ruma pa Europa, el eh desdi 2013 jugador di Medi Bayreuth, di Basqueteball Bundesliga, na Alemanha , mas antis eh passa pa Spanha undi eh dexa bons recordasons.
fonte:ondakriolu
COMMENTS