Segundo un estudo di cientistas internacional discubridu ma Algas de Cabo Verde podi bem Ser un arma na luta kontra Câncer
ALGAS DI CABO VERDE PODI BEN SER UM IMPORTANTI ARMA NA LUTA KONTRA CANCER...
Estudo dura 24 mes ( 2014-2015) y algas foi recolhidu na Ilha do Maio, tantu na si meio natural marinhu como na kes algas ki onda ta dexa na praia. Trabadju foi realizadu pa un equipa di investigadores di Algabiomac, un consórcio internacional formadu pa Instituto Tecnológico di Canárias , Fundason Instituto Canário di Investigason di Cancer, Associason di Investigason Cientifica di Atantico y Camara Municipal di Maio. Maio disponibiliza biodiversidade pa fazi recolha. Recolhidu amostras di 14 espécies di algas. Rezultadu mostra mas es ta ilimina 50% di celulas cancerigenas di pulmon, mama, prostato y colon sen afeta celulas saudaveis.
REZULTADU ANIMADOR...
Di tudo amostras ki recolhidu y di estudos ki depois foi fetu na laboratorio investigadores konclui ma es algas ten grandi potencial terapeutico na kompati tumor. E ki es especies di algas, encontradu també na Madeira y na Canarias, ten susbstancias natural ki biologicamenti ta kombati certus tipos di cancer. Segundo Algabiomac , embora sta falta + estudos pa kompleta investigason, porta sta abertu pa un xplorason sustentável y industrial en grandi escala.
ALGAS Ė UN RAMEDI NATURAL...
Di facto e ka primeru bez ki cientistas sta discubri substancias anti-cancerosas na algas di mar. Anu passadu cientistas autralianos sina un acordu ku un empreza farmaceutica pa produzi medicamentos kontra cancer a-partir di certus especies di algas ki es dicubri. Cientistas merkanu y Spanhol també sta investiga na es campu mas di facto australianos sta mutu + avansadu.
SALADA Y SOPA DI ALGAS...
Na Cabo Verde é ka ta utilizadu pa alimentason, mas algas di mar y un fonte rico di vitaminas, di proteinas y di sal mineral. Algas é + nutritivu di ki kualquer fruta ou vegetal. E ta djuda na digeston, e ta fortaleci sistema imunológico, e ta normaliza glandulas di tiroide y nivel di colesterol na sangui, e ta limpa sangui y é bon pa kura hipertenson, duensas di curason, konstipason krónica, etc. Dotor també ta recomenda si uzu na dieta pa emagrecimentu.
Portantu ora ki bu mai mar leba sempri un bocadinho di algas pa caza. Como quazi ninguen ka gosta d’el bu podi mistural ku otus vegetal moda cenoura, repolho, pepino,etc, pa bu fazi un bon salada . Atenson: mesmu pa salada algas bu ten ki ferbel primeru.
També bu podi fazi un sopa. Bu ta fazel sima kualquer otu sopa ( ingredientes ta fika na bu kritério - legumes poi a-vontadi, ka bu squeci di kel kaldu-galinha). Algas bu ten ki cuzinhal a-parti pamodi eh ten un subastancia ki ka ta dexa kes otus ingredientes cuzinha. Dipos e so mistura. Xpurmental, pa alen di sabi é bon pa saude. fonte:ondakriolu
COMMENTS