Elida Almeida finalista di konkursu “Prix Decouverte Rfi 2015”, si bu Vota é ta Konsigui

Elida Almeida sta entre kes 14 finalistas di es konkursu muzical “Prix Decouvertes Rfi 2015” sima foi reveladu es segunda-fera. “Adversários” també é di pezu,

Elida Almeida finalista di konkursu “Prix Decouverte Rfi 2015”

SI BU VOTA É TA KONSIGUI...
Pamodi “Nta Konsigui” é justamenti un di kes 2 muzika ki Elida Almeida scodji pa aprezenta público y jury di prestigiadu konkursu “Prix Decouverte Rfi”, un konkursu ki tudu anu ta recompensa kel midjor talentu/revelason muzical di continente africanu. “Leban ku bo” é kel otu muzika ki Elida aprezenta.

BU VOTO E INDISPENSAVEL ...
Elida Almeida sta entre kes 14 finalistas di es konkursu muzical “Prix Decouvertes Rfi 2015” sima foi reveladu es segunda-fera.
“Adversários” també é di pezu, alguns ku mutu + experiencia na mundu muzical, la sta Liz di Congo, Sanzy Viani di Camarões, grupo Woodsound di Benin, Mao Sidibé di Senegal y otus jovens artistas africanus di reconhecidu talento.
Pa Elida ganha el so é ka ta konsigui, eh ten ki ten voto di publico, bu voto!
Voto di publico ta elegi artista favoritu di internautas, ta acrescentadu enton voto di jury pa dicidi vencedor di konkursu. Pa kel li jury ta reuni na dia 17 di Novembro, mas votason di publico dja sta abertu, e ta bai ti dia 30 di Outubro.

Lembra ma vota pa Elida Almeida é també vota pa kultura di Cabo Verde, portantu nu mobiliza y nu mobiliza nos amigos pa vota na es joven artista ki trazi un novu folgu pa muzika di nos terra .
Pa bu vota sigui es link: http://www.prixdecouvertes.com/fr/vote

fonte:ondakriolu