Nu ka ten kontratu mas nu ten un acordo verbal ki leban pa Praia. Kel acordo eh ki CD ta bendi pa deslocadus y pa nos també, pa nhas fidju.
LUIS MONTROND FLA MA KIM ALVES ROUBA SES DIREITO Y KA HONRA SI PALAVRA...
Ka pa ku el Luis Montrond, ma pa ku si minunus ( Priscila y Sara) ki sai djuntu k’ol di Fogo pa bai Praia poi voz na kel ki foi certamenti un di kes midjor muzika di 2014 ( “Fran undé du ta bá”, letra y muzika di Luis y Antonio Montrond).
Luis Montrond fla ma muziku y produtor Kim Alves rouba ses direito pamodi segundo un acordu verbal un parti di dinhero di venda di CD era pa deslocadus di Chã das Caldeiras y kel otu parti era pa si mininus, sobretudu pa kel ki eh doenti. Mas ti inda nen mininus nen deslocadus di Tchan ka odja kor di dinheru.
Pa percebe midjor nu ta transcrevi konbersu di Luis Montrond
“Bon, es muzika foi gravadu uns 4 mes antis di erupson pa nos próprio ben, pa ben di nos familia....Coincidi ki nu largal na kel mumentu di erupson, mas como muzika sta papiaba igual a kuza ki kontici nu dicidi dedical pa dor di populason di Tchan. Nu largal na kel mumento di erupson mas uns dias dipos prezidenti di Camara di S.Filipe atxa ma si nu bai graval nu podia bendi CD pa djuba populason di Tchan. Interesi eh ka era so pa mi, era també pa deslocadus, y por isso N’flaz man ta bai Praia ku nha 2 fidjas bai poi voz, pa nu bai grava kel CD y vendé. Kim Alves també txomam ma nu ta bai pa si caza y tal ... "
"Nu bai nodjadu ku gripi y ku dor pa kuza ki nu staba ta passa na Fogo ....Kual eh kontrolu entre Kim y Prezidente un ka sabi, mas prezidenti atxa ma nu ta bendeba kel CD pa populason di Tchan. Mas até agora, sta ben fazi kuazi un anu dipos di erupson, ti agora nu ka odja ninhun nuansu di nos trabadju ( nen sequer eh ka aprezentadu na Cruz Vermelha sima tudu kes otu aprezentadu) enton nu kontacta Kim, nu txoma Kim atenson...pamodi u ki nu papia na si caza un acredita na el sima un familia, un familia di mi y di nhas fidju...
KONTRATU?
“Nu ka ten kontratu mas nu ten un acordo verbal ki leban pa Praia. Kel acordo eh ki CD ta bendi pa deslocadus y pa nos també, pa nhas fidju. Mas como ti esta nada ...Eh flan ma pirataria, ma so eh ba ku 20 CD pa Merka ... un ka ta acredital pamodi mi si era so pa 20 CD un ka ta baba Praia pan bai poi voz...enton un entra en kontactu ku el, un manda un advogada papia ku el mas eh fra advogada ma nu ba pa sé caza ( un ka atxal fixi pamodi mi un staba dezalojadu na altura y si eh alojam e ka era kuza pa eh ben mostra...) Di facto na Praia eh recebenu dretu mas como eh ben fika so na brincadera ...nha fidja també eh un mininu ki di 8 en 8 hora eh ten ki toma ramédi di epilepsia...enton un ta atxaba ma eh debia ten atenson di kel trabadju la....
GRITO DI DOR...
“Nta pensa ma na kel mumentu di erupson kel voz foi un publicidade ki txeu alguén ta fla ma até governo devia reconheci kes mininus pamodi djudal na da un gritu ma Cabo Verdi dja xinti un dor . Pa guverno djobeba pa mininis pa minis xinti ma kel muzika djudaz també...mas ao passu nu fika na Monte Grande txeu, engatxadu, du ka djudadu sima ki debi ser...pamó kel muzika txeu alguén txomanu di fora flanu ma kel muzika fazi sucesso, mas pa nos nada di sucessu...
SI DEUS DAL EL NHA MINIS TAMBE DJA DAS EL ...
“Por isso na es mumentu un ka sta konkorda ku kuza ki kontici y un sta pidi a ken di direito....pamodi mi si N’ka atxa forma di discutil pamodi un ka ten kondisons di discutil ... N’ta fra ken ki fika ku valor di kes mininus ki otu eh doenti..... un ta flaz ma si Deus das el, nha minunus també dja das el...Un ta speraba ma Kim Alves debia honraba si palavra, ka pa ku mi, ma pa ku minis pamodi nu kridita nel ...nu acredita nel tantu ki nu ka pidil un CD...nos nu ka ten un CD na nos caza pa nu obi nos muzika, nu ka ta odjal pamodi nu ka ten forma di odjal...”
KIM KA KUMPRI...
“Kim nen un instrumento ki eh ofereci eh ka kumpri .... du sta txeu triste pamodi nu ta sperba ma es debia spiaba di otu manera ..Ker dizer, nos eh mininu di pobri, mininos fidju di alguén koitadu, nos eh di Tchan du sta atrazadu enton un alguén podi robanu nos direito ka ta fazi nada...Eh na es sentidu li nu fika txeu maguadu.”
Fonte:ondakriolu
COMMENTS