Kontratu é validu pa 3 anu y salario bazi di Edy Walter e di 1 milhon di dolar por ano ( + exatamenti 1,004,915 USD (99.5 mil kontu) pa época 2015-2016).
3 MILHON DI DOLAR ...PA 3 ANU
Na verdade Walter Tavares dja podi konsidera milionário pamodi 2 milhon di dolar e garantidu . Es 2 milhon di garantia (juga ou ka juga) sta incluidu na si kontratu di 3 milhon di dolar ( 3.014.746 USD + precizamenti , kuazi 300 mil kontu CV ) kontratu ki ê sina na passadu mes di Junho ku Atlanta Hawks, equipa di NBA.
Kontratu é validu pa 3 anu y salario bazi di Edy Walter e di 1 milhon di dolar por ano ( + exatamenti 1,004,915 USD (99.5 mil kontu) pa época 2015-2016). Kel li sen konta ku prémios di jogo ki na NBA al-vez ta ultrapassa meio milhon di dolar por jogo pa dividi entri jugadores (jugadores tambe ta factura ku publicidades)
1 MILHON POR ANU É POKU OU TXEU NA NBA?
Ta dipendi.
1 milhon di dolar di salario bazi por anu di Water Tavares sta longi di kes 25 milhon di dolar ki Kobe Bryant, jugador + ben pagu di NBA, ta ben ganha es temporada na Los Angeles Lakers. Mas 1 milhon di dolar ê tambe superior a salário anual di uns 50 jugadores di NBA ki ka ta ganha es dinheru.
Pa un principiante na maior Liga di Basquetebol do Mundo, pa un jugador ki pega pa primeru bes na un bola di basquetebol 6 anu atras, pa tudu kel li kontratu ka sta mau, sabendu també ma ten un risku, embora pequeno, di Walter tavares ka adapta a ritmo di basquetebol merkanu ki e diferenti di ritmo di basquetebol spanhol undi ki Walter sempri juga.
JOGADOR + ALTU DI NBA...
E ka so pamodi é primeru “nativo” di cabo Verde ki sta juga na NBA ki Walter Tavares ta entra na stória. Ku si 2 metru y 21 centimetros di altura , Big Edy també ta ben entra na storia como jugador + alto di NBA di epoca 2015-2016 ( é un di kes 20 jugadores + altu di todo os tempos). Nu ta recorda ma altura media di jugadores di NBA ê di 2 metru y 4 centimetru.
Walter tem també maior “wingspan” di NBA ( “winsgpan” ê kel distancia ki ta bai di un mo ti kel otu, ku brasu aberto, di Walter Tavares ê di 2 metru y 16 centimetru, segundo fontes di NBA ê segundu maior “wingspan” di sempri ki dja mididu na Merka).
Ku 23 anu di idade, es “meninu” grandi nascidu na Djarmai sta prepara ku enpenhu pa es novu aventura ki ta kumesa dia 27 di Outubro, data di abertura oficial di NBA epoca 2015-2016. E foi jugador ki + evului epoca passadu na Liga Spanhola, tendencia ê pa manti... por:ondakriolu
COMMENTS