Problema eh ka u ki bu Omi sa fazi di erradu na nhos relason, eh u ki bu sa aceita

Bu ten ki amou mas pa fla ma bu ka meresi traison, ma bu ka meresi ser segunda, ma bu ka meresi se disrispetu, se falta di atenson, paixon y kuidado.

Problema eh ka u ki bu Omi sa fazi di erradu na nhos relason, eh u ki bu sa aceita.
Problema eh ka faktu ki bu Omi eh infiel, ka ta dou atenson, ta sta ku otu mudjer ke ta insiste en txoma di amiga, enfim. Problema eh ki tudu ke sa fazi di erradu bu sa perdoa, bu sa dexa passa, bu sa finge ma ka kontisi.

Perdon eh rei di bon mas perdoa ku dexa passa eh 2 kuza diferente.
Bu ka podi ama un omi tantu asi a pontu di skesi di bo. Di skesi ma bu eh un mudjer ki ka ta sta ku un omi ku otu mudjer, ki ka ta fika ku omi ki ta traiu, ki ka ta aseita disrispetu di se parte, ki ka ta aseita menos ki kel ki bu ta oferesel.

Bu ka podi ama un Omi tantu ki bu ta skesi bu dor, magua y angustia y aseita tudu di erradu ke ta fazeu y kontinua na se lado. Eh kela ki bu sa inxinal. Ma ka importa u kuanto di errado ke fazi ma bu ta kontinua kual. Kel ki bu ta aseita eh kel ki ta kontinua y si bu sa aseita kela pamodi ki ainda bu sa reklama di bu infelisidade na relason?

Bu ten ki amou mas pa fla ma bu ka meresi traison, ma bu ka meresi ser segunda, ma bu ka meresi se disrispetu, se falta di atenson, paixon y kuidado. Bu ten ki amou mas pa fla ma bu ka mudjer di so moka y pe bai volta pa se kompanhera.
Na fin das kontas eh un so purgunta ki ta resta fazi. Kantu valor ki bu atxa ma bu ten?

Si bu ten kunfiansa ma bu ten valor bu ta sabi ma largal ta magua sin mas bu ta konsigui midjor ki el. Bu ta sabi ma relason eh kanpion sin mas bu ka ta aseita menos di kel ki bu meresi. Bu ta sabi impoe sen violensia, briga ou drama tudu kel ku ten direito.

U ki bu debi ka sabi eh ki, kuanto mas valor bu Omi intende mo ten mas valor eh ta dou. Kantu mas merda bu dexal fazeu, menos valor eh ta dou. Kuze ki pessoas ta fazi ku kuzas ki ka ten tantu valor? Ta uza y diskartal dipos.
Agoh? Kantu valor bu ten?

fonte:Xibinhu69