Registo civil di S. Vicente kre pa pai muda nome di si fidju Axel Witsel

Pai fla ma eh ka ta muda nome y Registo Civil fla ma eh ka ta passa certidon.

Registo civil di S,Vicente kre pa pai muda nome di si fidju...

AXEL WITSEL NAU …
Pamodi Witsel eh ka nome, Witsel eh apelido, eh apelido di un jugador belga ki gossi sta juga na Zenit di S. Petersburgo ( Russia) mas ki na altura ki minino foi registadu inda sta jugaba na Benfica di Lisboa. Kel li eh pelo menus explixcason ki Conservatória di Registo Civil di S.Vicente sta da pa ka passa un certidon di nascimento na nome di AXEL WITSEL MONTEIRO DA CRUZ, un menino di 4 anu ki gossi sta mesti certidon pa entra na ensino pré-escolar.


Segundo pai di minino , Nelson da Cruz, 4 anu atras eh regista si fidju sen txeu prublema y ate passadu un cedula na nome di Axel Witsel Monteiro da Cruz.. So ki hoje eh sta pididu pa eh muda nome pamodi “Witsel” eh “ilegal”, eh un apelidu “viciado” - apelido ten ki ser nome di familia ( di pai, di mai ou di tudo 2) . Conservatoria di Mindelo sta fla ma embora passadu celula na si nome registo di es criansa nunka ka foi “qualificado” pa conservador ki ka sina documento

AZAR DI AXEL WITSEL ...
Es jugador Belga ultimamenti ka teni mutu sorte, pelo menus fora di campo di futebol. Dipos di aparentimenti “rejeitadu” pa beldade kriola Analicia Chaves (foto) ki “trocal” pa futebolista francez Karim Benzema, gossi foi vez di Registo Civil di Mindelo rejeita si nome pa identifica un menino nun paiz undi nu sta habituado ta odja mininos ta txomadu Messi, Maradona, Ribery, etc ( So apelidos).

Entretantu na Mindelo “confuzon” sta instaladu. Pai fla ma eh ka ta muda nome y Registo Civil fla ma eh ka ta passa certidon. Di ki ladu ki bu sta?