Policia Judiciaria de Cabo Verde dja lança alerta, es sta pidi pais di jovens caboverdianos pa sta atento na ses fidju.
Traficantes sta na recruta estudantes universitários caboverdianos pa faze tráfico internacional de droga.
Policia Judiciaria de Cabo Verde dja lança alerta, es sta pidi pais di jovens caboverdianos pa sta atento na ses fidju.
(CAAT) Célula Anti-Tráfico de Polícia Judiciária caboverdiano ki ta opera na Aeroporto Internacional Nelson Mandela, na Praia, sta ciente a es manera ki sta uzadu gosi kada ves mas, undi ki traficantes sta buska jovens pa sirbi de 'mula' sima es ta txomadu, pa faze tráfico internacional de droga de Brasil pa Cabo Verde e pa otrus países de África ku de Europa.
Es traficantes ki sta djobi jovens pa faze es trabadju, è principalmente traficantes de “ máfia nigerianu”,es ta prifiri buska jovens universitários, ki teni um mau situason financeru e principalmente jovens de Praia.
Es ta faze jovens proposta pa bai Brasil buska droga e em troka es ta da jovens pagamentu em dinheru na valor ki ta ronda mas ou menus três mil dólar ( 300 mil conto).
Desdi Janeru des anu (2015) ti gosi dja registado 16 kazu de jovens, maioria ku nacionalidade caboverdiano ki aceta es proposta.
“Maior parte pegadu na aeroportos de Brasil, undi ki ta fazedu mas controlo. Na total dja prendedu 11 quilo de cocaína puru”.
Mas ka è so jovens caboverdianos ki sta faze es serviço, tambe sta pessoas strangeru na Cabo Verde ki sta faze es tipo di viagens.
Droga ta ba buskadu na Brasil, ta trazedu pa Cabo Verde, ki é considerado "um ponto estratégico de passagem e de armazenamento de droga". E tambe ta lebadu pa otrus países africanos sima Guiné-Bissau, Marrocos , África do Sul e Gâmbia.
O ki mas sta preokupa autoridades è pamodi antis pessoas ki ta bai buska droga es ta trazeba es produtu na maleta, mas nes últimus tempos, jovens caboverdianos sta enguli droga ki sta embrudjadu e es sta transporta droga na estômago, o ki ta poi em risku ses própri vida.
Segundu jornal asemana divulga, ka dura li, kontisi ki CAAT pega um jovem universitária de 23 anu na Aeroporto de Praia, num voo de TACV, ki sta binha de Fortaleza-Brasil. Jovem sta transportaba mas de 900 grama de cocaína na si estômago.
Polícia Judiciária, kre alerta sociedade civil caboverdiano sobre es fenómeno e es fla ma otrus países ki è parcerus de Cabo Verde na kombate tráfico de drogas tambe dja teni conhecimento des manera ki jovens kriolus sta uza kada ves mas, pa transporta droga.
PJ aviza:
“Nu ta pidi pais ku encarregados de educação ki teni nes momentu fidjus ou familiares na studa na universidades brasileru, pa es sta ciente na traficantes de droga, mas precisamente na máfia nigerianu, ki sta induzi estudantes ki ten poku recurso financeru na transporta droga pa Cabo Verde. Em troca es ta oferece estudantes passage de avion e um recompensa em dinheru, si estudante konsigui passa ku droga na aeroporto”.
Policia Judiciaria inda sta pidi pa pais da ses fidju konsedju sobre certus amizades e pa ka aceta leba bagage de alguen stranhu.
fonte: Asemana, dypk
COMMENTS