Uma txuba bedju ki fazi labanta tudu puera djuntadu na txon di nos terra

Barragens pratikamenti xeiu na país ta alimenta speransa di famílias ki ta konta ku terra pa sis sustentu. Forti sabi, Forti djan kontenti!

Uma txuba bedju ki fazi labanta tudu puera djuntadu na txon di nos terra.

Um simples "post" na facebook "Realmente depois tempestade veio a bonança"... eh sirbi di legenda pa um pilota di fotu ku Kabu pintadu di Berdi.

Barragens pratikamenti xeiu na país ta alimenta speransa di famílias ki ta konta ku terra pa sis sustentu. Forti sabi, Forti djan kontenti!!!

Séu txora, txuba kai. Eh txora sufrimentu di sis guentis ki spera anu interu pa berdi sail di txon. Kantu ki berdi ponta djuntu ku surrisu, Homi odja, i komu preparadu dje sta makina ta da "click". Dja sta, Eh sta spadja pa td Berdiano, dentu ku fora, ma Kabu sta berdi, berdi di Speransa.

Berdi Dja Ponta
Berdi Dja Krisi
Berdi Dja Pari
Nhas Guentis Dja Kodji
Nhas guentis dja kumi
Nhas guentis dja bendi
Nhas guentis pui lumi
Fornadja dja sendi
Nos bedju dja djunta
Nos bedju dja purba
Mosinhus nobu, rixu balenti, dja pega dja furta
Mosinhus dja bebi, Mosinhus dja kapri
Plamanhan rostu intxadu, mama ta pergunta
Ma mosinhu, mosinhu??...
Eh kudi "Mama, nos berdi dja mostra!"

Undi Kel berdi?? Txuba dja bai i berdi dja perdi. Sima eh bem k dje bai... dje bai sukundi baxu txon. Eh sa sumara pa ti ki nu torna fronta ku otu kor ki ka berdi. Pa nu txora, pa nu txora grandi, pa nu txora altu pa riba la es obinu i sem ki es fika indeferenti a nós sufrimentu i pa di sis odju kai nem ke um gota lagua pa kada kenha. Soh nu ta pidi um gota xintidu i ku soris d enxada nu ta djuntal, pa nu abri kaminhu berdi.

O ki berdi dja bai odju ta xuxa, ta odjadu soh mal, kou ta maria... i la Speransa ta bira pouku mas ki barzinho la na beku.

NHA MÁGUA??? Nha mágua é oh kin odja nha povu ta da kosta pa Berdi i Kabu ta bira mariadu. É LA KI LÁGUA TA KAIN D'ODJU, NTA GUARDAL PAN DISFAZEL NA NHA AGUARELA DI CRIANSA, NTA PINTAL NA NHA KUADRU , NTA STANKAL NA NHA PETU. Nka importa si duem, pmd na mi, nha KABU eh BERDI anu INTERU.
Bom dia e bom semana
 D Gonçalves