USA: Cabo-verdiano na Merka konsideradu kulpadu di homicidio

15 anu di si vida na cadeia antis di eh kumesa ta da entrada ku prucesu di pedidu di leberdadi condicional ( ki podi dura vida interu).

Cabo-verdiano na Merka konsideradu kulpadu di homicidio
PAULINO MIRANDA KONDENUA A 15 ANU DI CADEIA A PRIZON PERPĖTUA
15 anu di cadeia a prizon perpetua ( 15 years to life in prizon) signifika ma eh ten ki passa proximos 15 anu di si vida na cadeia antis di eh kumesa ta da entrada ku prucesu di pedidu di leberdadi condicional ( ki podi dura vida interu).
Paulino Miranda, 27 anu, foi konsideradu es quinta-fera culpadu di homicidio di segundo grau pa un jury na Tribunal Superior di Brockton. Juiz sentencial a un pena di cadeia sen data di sai ( embora eh ten possibilidadi di sai na “kondicional” dipos di eh kumpri 15 anu)

Krime kontici na Dezembro di 2013.
Segundo policia Paulino Miranda assalta ku pistola un joven vendedor di droga (Ralph Hyppolite, 23 anu, origen haitiano) na Dezembro di 2013. Hyppolite fugi na carro ku un kunpanhero mas Paulino dispara y tiro atingi mortalmente es joven traficante. Paulino foi prezu un dia dipos y alegadamenti eh confesa crime, mas eh fla ma ka foi intencional, ma tiro foi so pa assusta vitima.

LONGO HISTORIAL DI VIOLENCIA....
Segundu policia Paulino Miranda entra na mundo di delinquencia inda meninu, eh foi prezu pa primeru bez kuando eh tinha 12 anu. Si cadastru ta inclui roubo y assalto armadu, segundo policia eh staba en liberdade condicional kuandu eh kumeti es ultimo crime.

fonte:ondakriolu