Viaja pa Maio bira sima un pezadelu

Eh un di kes kontradison di Cabo Verde : Emquanto stadu sta prujeta gasta 300 milhons di euros (metade di Orçamento Geral di Stadu)

Viaja pa Maio bira sima un pezadelu

NA CLUSTER DI MAR...
Eh un di kes kontradison di Cabo Verde : Emquanto stadu sta prujeta gasta 300 milhons di euros (metade di Orçamento Geral di Stadu) na koncretizason di Cluster do Mar y transforma Cabo Verde nun Hub internacional ku ramificason maritimo pa mundo intero ...enqunto isso fazi un simples viagen di Praia pa Maio ( 21 milhas náuticas, 39 kilometru) eh un verdaderu pezadelu .

Cintia labanta 4 hora di madrugada pa eh bai fazi fila frenti di Agencia Polar na Praia ki ta bendi bilhete pa Maio pa viagen na naviu Sotavento ki nes altura di ano ta fazi 2 ligason pa Djarmai. Cintia bai cedu mas dja staba alguen ta spera (foto) eh spera ti 10 hora pa eh fladu ma ka tinha + bilhete. Na fila 10 alguén recebi senha pa cumpra bilhete - kada un ten direito a 4 - bendedu no maximu 40 bilhete pa viagen na un naviu ki ta leba 150 pessoas. Restu di passagens staba rezervadu pa caravanas ( turistas)

RAIBA Y INDIGNASON
Eh klaru ki Cintia fika xatiadu y humilhadu , eh ta konsidera es situason como un falta di ruspetu di Agencia pa ku Maienses en geral ki nes altura di anu ta kré bai passa un tempinhu na ses ilha.

Agencia podi ten di facto alguns limitason y alguns fadja ki es podi kurrigi, mas prublema di fundo ka sta na Agencia, prublema sta na falta di un politica di transportes ki di facto ta sirbi Cabo Verde

BARCOS NA FUNDU, PERDEDU OU ENCADJADU...
Eh ka so Maienses ki sta reclama: Brava, Boavista, S.Nicolau, tudu sta ku prublema di ligason maritimo nun paiz ki sta prujeta setor maritimu como xavi pa futuro.

Navios “Tarrafal”, “Pentalina”, “Roterdam”, “Vicente” sta tudu encadjadu, perdedu ou na fundu mar. Eh investimentos privadu di milhons di kontu ki bai na bentu ( pa alen di perda di vidas humanas) pamodi falta di un politica coerente di seguransa y di fiscalizason . Armadores sta dizanimadus, passagerus dja perdi paxenxa enkuantu guverno sta + preocupadu na lansa “Cluster do Mar” ki embora eh un prujetu viavel y ambiciozu ki tudu cabo-verdianos debi abrasa, eh un prujetu ki ta exigi certos riquizitus : PRIMERU NU TEN KI RUMA CAZA.

fonte:ondakriolu