2 Irmon ki foi vitima di abuzu Policial na Praia, Agreçon kontici frenti di discoteca Zero Horas

Agreson, segundo es 2 irmon, kontici por volta di 5 hora di madrugada frenti di discoteca Zero Horas, na Achada Grande Frente. Edson fla ma un policia

Es 2 irmon fla es foi vitima di abuzu policial na Praia
“MODI KI NU TA TRABADJA KU PÉ KEBRADU?”
Ku pé kebradu y ku marcas di agreson pa tudu korpu, segundo fotos ki alguen manda pa Onda Kriolu. Irmons Edson y Azumir Lopes (Goy) fla ma es foi barbaramenti agredidu pa elementos di policia nacional passadu dia 13 di Setembro. Edson ta vivi na Praia, Goy ta vivi na Sal mas e staba Praia undi e bai djobi si mai ki binha di Portugal.

Agreson, segundo es 2 irmon, kontici por volta di 5 hora di madrugada frenti di discoteca Zero Horas, na Achada Grande Frente. Edson fla ma un policia, ki ka staba fardadu, fla ma é ka gosta di forma sima ê djobel y un otu policia kumesa ta dal bafatada. Si irmon pergunta qual é motivo y enton txiga + 4 policias policias ki djunta nes. Es foi agredidu ti dismaia mas policia rastaz ti zona di aeroporto undi es atacadu otu bes ku taku di baseibol.

Reultadu : Es lebadu pa hospital ku pé kebradu y ku ferimentos y hematomas na corpu intero. Gossi es sta na caza ta recupera.

CIDADONS TRABADJADOR...
Es 2 irmon fla ma es ka ten kadastro na policia y ma nen sequer es ka konxeba agentes ki atacaz. Edson ê pintor, ê fla ma ku pé kebradu ê ka podi trabadja pa sustenta si fidjus. Goy tambe sta xitadu na caza, e sta incapacitadu di bai retoma si trabadju na Sal.

CARTA BRANCA DI GOVERNO PA DA KU PÓ...
Edson ku Goy kré justiéa, até es pidi audiencia ku ministra di Admnistrason Interna (Marisa Morais). Es ka kre pa es cazu fika inpune sima ten acontecidu ku otus cazu di denuncia di abuzu policial. Ta prometudu inquérito mas na fin nada ka ta fazedu. Es 2 jovens kré sabi també si policia ten carta branca di governo pa bati na cidadons indifezu sima alegadamenti un policia flas. Un cazu pa sigui. fonte:ondakriolu