23 irmon, 20 y tal subrinhos pa alén di si mai ku si pai. Gilson Varela kria na Praia na meio di dificuldades mas nun familia unidu ki sempri luta pa sobrevivencia
UN KRAKI DI FUTEBOL KI TA DJUDA SUSTENTA 23 IRMON...
23 irmon, 20 y tal subrinhos pa alén di si mai ku si pai. Gilson Varela kria na Praia na meio di dificuldades mas nun familia unidu ki sempri luta pa sobrevivencia, sobretudu si mai, un pexera ki Gilson ta fla ma sempri foi un “guerrera” ruspetada ( ku si mai Gilson “ka ta brinka”)
Gilson Varela teni gossi 25 anu,ê juga na Oriental, equipa di segunda Liga di Futebol portuguez.
Ku 18 anu Gilson bai pa Portugal ku un bolsa di estudo ( Ê stevi na iminéncia di ka bai pamodi ka tinha dinhero pa passagen). Dipos di kursa Contabilidade na Viana do Castelo, Gilson ki sempri foi un “estudante esforsadu” bai pa Spanha trás di si grandi sonho ; ser jugador di futebol. Desdi minino ê tinha jetu (inda ê passa pa EPIF, scola di futebol di undi sai Babanco, Kuka, Gege, Stopira, Ze Luis, etc).
Dipos di juga 2 anu na un equipa di tercera divizon di Spanha un empresario convidal pa ê bai fazi un teste na Volyn Lutsk, un equipa di Ucrania. Gilson aceita. Foi un erro. Dipos di 4 mes ta spera en von pa kontratu ê rezolvi volta pa Portugal. Foi enton ki e foi detido na aeroporto di Ucrania pamodi e sta viajaba ku passaporte di CV y ninguên ka sabia undi ki ta fikaba Cabo Verde....
Finalmenti di regresso a Portugal Gilson juga na alguns equipas ‘modestos” até ki es temporada ê sina pa Oriental. Pa alén di salario fixo ê ta recebi premios di jogo ki ta pirmitil manda euro pa familia na Cabo Verde. Ê ta manda pa si mai giri y distribui pamodi ê fla ma si irmons ka ten ‘cabeça” pa dinhero. Irmons alguns ten + di 30 anu mas sem trabadju ( es ka tudu di mesmu mai mas Gilson fla ma ê ka ta fazi diferença, sima si mai nunka ka fazi). Gilson ê kode di matxu, + pikinoti ê si unica irman femia..
Si pai? Si ê un “garanhon”, ê teni 70 anu mas ta parci ma e ten 40. Gilson fla ma si pai ta vivi + uns 50 anu....
Vida di Gilson sima dja bu odja ka foi fácil. Txeu bes êtevi ki aventura, ê tevi ki da passos arriskadus nun corda sen rede. Mas ê sta venci. Pamodi?
Pamodi Gilson fla ma ê ta acredita na si cabeça y na força di trabadju. É es determinason, ê es força ki pirmitil txiga ti undi ki ê sta hoje . Juga na Oriental ê un oportunidade pa otu saltos, pa otu vôos. Gilson fla ma ê sta agarra es oportunidade ku unha y denti. Good luck. fonte:ondakriolu
COMMENTS