Mensagem de Presidenti di Cabo Verde pa Cabo-verdianos ki ta vive na Estrangeiro

Prezidenti di Repúblika Jorge Carlos Fonseca, pidi onti pa kumunidadi kabu-verdianu ki ta vivi fora di Kabu Verdi pa manti alma Kabu-verdianu e chama di Kabu-verdianidadi

Prezidenti di Repúblika sta pidi kumunidadi fora di Kabu Verdi pa manti " bibu " xama di kabu-verdianidadi.

Prezidenti di Repúblika Jorge Carlos Fonseca, pidi onti pa kumunidadi kabu-verdianu ki ta vivi fora di Kabu Verdi pa manti alma Kabu-verdianu e chama di Kabu-verdianidadi "bem bibu".
Jorge Carlos Fonseca sa ta papiaba ku jornalistas onti, momentus antis de e presidi atu sentral, ki Presidência di Repúblika promovi na parceria ku kâmara Municipal di Praia, Akademia di Letras e Sociedadi Kabu-Verdiana di Autores, pa komemora dia di Kultura e di kumunidadi, ki ta komemoradu 18 di Otubru.

" Mensagem ki nta dexa pa kumunidadi é pes manti alma Kabu-verdianu e xama di Kabu-verdianidadi bem bibu. Es é elemento di ligasom mutu importanti ku ilhas", é fla.

Chefi di Stadu lembra ma kumunidadi kabu-verdianu participa na luta pa demokrasia e pa liberdadi e é tem stado també ta participa sempri pa progressu social, ekonómiku, e kultural di kabu Verdi, sendo es é testemunhas fiel di grandis valores kultural ki ta modela identidadi di país.

"Nu ta spera di kes kumunidadis li, ki es ta kontinua ligadu ku Kabu Verdi e ki pa formas adikuadu na tempu di goci podi també kontribui pa ki nu konstrui na Kabu Verdi també, um país konpetitivu avansadu e um demokrasia modernu undi tudo kabu-verdianus ta tem direitu a bem estar material e espiritual", é fla.
fonte:dypk, foto:abola.pt