Modelo Cabo-verdiano sta kuazi ta dizisti di participa na concurso "Mister África Internacional"

Participason di CV sta en risku pamodi falta di patrocinio. Isaac fla ma ê manda carta pa txeu emprezas mas ma ti inda ê ka recebi ninhun resposta enkuantu data sta aproxima.

Pamodi falta di patrocinio
MODELO ISAAC FABIO STA KUAZI TA DIZISTI DI PARTICIPA NA “MISTER AFRICA INTERNCACIONAL “
Ê fla ma é un pena pamodi pa alén di un sonho pessoal ê Cabo Verde ki també ê kre bai reprezenta na maior konkursu di modelo y beleza pa homi di continente Africano.

Participason di CV sta en risku pamodi falta di patrocinio. Isaac fla ma ê manda carta pa txeu emprezas mas ma ti inda ê ka recebi ninhun resposta enkuantu data sta aproxima. Mister Africa Internacional 2015 sta markadu pa dia 03 di Dezembro na Gabarone, Botzuana. So pa passagen ê 193 kontu y Isaak fla ma el so ê ka ta konsigui :

“N’ka tem como arca ku dispeza di viagen, para alên di roupas k n’tem k bem fazi pam leva. Sta meio komplicadu pamodi N’ka teni ninhun patrocinio y dja sta quase na hora, viagem deve ser na dia 29 de Novembro , djes pide pam manda paga visto mas n’ka podi avança pmd falta de patrocínio. É um evento k ta leba nome de cv, nta pensa pa entidades podia djuda.”

Mister Africa Internacional ê maior kompetison do mundo di moda y beleza di homem negro. Kriadu pa House of Twich y produzidu pa First Models Management , “ Mister Africa ê un konkursu di prestigio ki dja prujeta internacionalmenti txeu modelos adricanos. Ê ten tambe un finalidadi altrusista pamodi vencedor ta passa un anu ta prumovi iniciativas pa jovens através di prugrama Young Entrepreneurs in Africa (YEA, Jovens Empreendeores na Africa). fonte:ondakriolu

dexa bu comentario