Ora ki bu ta viaja na avion di TACV pega bu documentu ku bu dinheru dentu mó

Davidson ta culpa TACV pamodi ê fla ma supervizor na aeroporto di Mindelo ka tevi pressa ku bai djobi documentos na avion.

Ora ki bu ta viaja na avion di TACV pega bu documentu ku bu dinheru dentu mó

2 PASSAGERUS STA “BLOKIADUS” NA MINDELO....
Ê un cidadon cabo-verdiano ( Davidson Pina) y un cidadon holandez. Es sta “blokiadu” na cidade di Mindelo pamodi es fla ma es squeci ses documento pessoal na un bolsa dentu di un avion di TACV. Na bolsa staba ses passaporte, kartons di banco, 2 telemovel modernos, 350 euros y 20 kontu cv.

Davidson ta culpa TACV pamodi ê fla ma supervizor na aeroporto di Mindelo ka tevi pressa ku bai djobi documentos na avion. Entretanto avion labanta voo pa Sal y bolsa ku documentos ti inda ka ka parci. Davidson y si kumpanheru sta preocupadu pamodi na dia 31 di es mes es ten ki volta pa Holanda undi trabadju ka ta spera...

E ka primeru bes ki bolsas ( ou otu bagagen acompanhadu) perdi ou ta “violadu” na voos di TACV. Txeu perdas nen ê ka por esquecimento, mas por roubo, sobretudo na voos longos undi txeu passagerus ta panha djonga. Ta surgi enton “kasu-bodistas” ki ta apruveita pa abri bolsa pa djobi dinhero ou otus objetu di valor. Por isso ora ki bu ta viaja na TACV guarda bu bolsa dretu ou durmi so ku un odju. Si bu perdi documentos ê atrazu na bu vida. Y nunca, NUNCA ka bu poi documentos importanti, dinheru ou objetos di valor na bagagen ki ta bai como carga. Ê ki nunka + bu podi ka odjaz sima kontici ku 1500 dola ki Humberto sukundi dentu mala na un voo Boston/Praia. fonte:ondakriolu