1. TEMPU TA FIKA + POKU... Ten pessoas ( homi y mudjer) ki ta passa horas y horas na facebook, kuza ki podi pruvoka stragu na relacionamentu entri cazal ou entri namoradus.
NA MUNDU DI ILUZON...
Virtualmenti hoje en dia tudu alguén ten facebook, é un execelenti forma di coneta pessoas mas sima tudu na vida ê ten prós y ê ten kontra, ê ten si aspetu puzitivu y si ladu negativo ki kenha ki ê cazadu ou ki ten comprumisu sério ten ki leba en konta. Sériamenti. Pensa sobre es 4 formas ki facebook podi destrui bu relacionamentu:
1. TEMPU TA FIKA + POKU...
Ten pessoas ( homi y mudjer) ki ta passa horas y horas na facebook, kuza ki podi pruvoka stragu na relacionamentu entri cazal ou entri namoradus. Tempu pa bu dedica a pessoa ki bu ta ama ta fika + poku, ê ta prejudica kumunicason y até kel intimidadi na bu relason.
2. BU PARCERU PODI “KUNETA” FACILMENTE KU UN ANTIGO AMOR...
Dja kontici txeu : na principio al-vez bu ta aceita amizadi so pa recorda “velhos tempos”, sen ninhun mau intenson, mas sima ta fladu di bon intenson infernu sta cheio. Sen da konta memórias di passadu podi transforma nun sentimentu + profundu, mas també curiozidadi ou deseju di aventura podi leba alguén a reconeta emocionalmenti ou secualmenti ku si EX (a-final es konxi dretu) So ki es EX podi ser bu espoza, bu espozu ou bu namoradu.
3. AMIZADI DI FACEBOOK PODI BIRA OTU CUZA...
Txeu bes é iluzon, mas na verdadi ê ta kontici. Na troca di mensagens na facebook pessoas ten tendencia pa torna + “atrevidu”, al-vez bu ta screbi cuzas ki kara a kara bu ka tinha “coraji” di fla.
Poku a poku bu podi envolvi emocionalmenti ku kel antigo namorodau di bu amiga, ku kel antigo colega di scola ou até ku desconhecidos. Na principio podi ser so amizadi mas distancia ki ta separa amizadi di infidelidadi podi ser kurtu.
4.FACEBOOK KA TEN FRONTERA...
E ka ten limiti y e ka ten frontera na tudu sentidu, nen na assuntu ki ta papiadu : ê podi kumesa ku simples “bu sta bunita” y termina ku un declarason di amor. E por isso ki certos parcerus ta discunfia di certos amigos ou amigas, es ta discunfia tambe ti di ses propri parceru ki es ta kre kontrola ti “like” ki es ta da. Kel li ta mina konfiansa di un cazal, e ta kria prublemas ki al-vez ku + dialogo podia ser evitadu. Portantu dexa canal aberto ( ten txeu pessoas ki ta fla ma un cazal debia partilha password) dexa canal di diálogo abertu , obi kuzé ki bu parceru ten pa fla y kontinua ta kunfia y ta ruspeta bu pessoa amada. Mas ka bu durmi : so bu odja sinal di prigu ta kré spreta bu relacionamentu agi imediatamenti. Sima dja nu fla dialogo e midjor arma. fonte:ondakriolu
COMMENTS