TACV: "Empresas mal geridus ta bai faléncia y dipos pessoas ta kulpadu governo" - José Maria Neves

Jose Maria Neves fla també ma ê necessario “desestatisa cabeça di pessoas”. Podi ser, mas estado tambe ten ki kumpri si responsabilidades.

José Maria Neves y Crizi di TACV

KENHA KI Ê KULPADU ?
José Maria Neves fla es quinta-fera na Mindelo ma pessoas ka ta pruduzi, ma emprezas mal geridus ta bai faléncia y dipos pessoas ta kulpadu governo. Ê da exemplo ku pilotos y kumandantis di TACV ki ê fla ma sistematicamente ta txiga tarde y ta atraza voos:
“O primeiro-ministro às vezes está nesses voos, fica lá à espera 45 minutos, pergunta o que se passa e dizem que ‘o piloto ainda não chegou, tivemos que fazer alteração”
José Maria Neves fla ma + gravi inda ê ora ki es mesmos pilotos y comandantes ta bai kumunicason social culpa governo pa es “atrasos sistemáticos”

ENTON GOVERNO KA TEN KULPA?
Kenha ki ta nomia “gestores” incompetentes pa giri emprezas di stadu? Kenha ki ta teima na manti es mesmu gestores na frenti di emprezas kuandu mundo interu sta odja ma es ka ta da konta recadu?
Nau, maior culpadu di crizi na TACV ê ka nen pilotos nen Kumandantis ( bodi expiatorios?) ... Tambe ê ka nen Arik De nen Pereirona ku si Conselho di Admnistrason . Culpadu ê governo di JMN y di ministra di infra-estrutura Sara Lopes ki ka ten nen forsa nen coragen politico pa toma un decizon.

Jose Maria Neves fla també ma ê necessario “desestatisa cabeça di pessoas”. Podi ser, mas estado tambe ten ki kumpri si responsabilidades. Un forsa pa pilotos y comandantes di TACV, si nhos ta txiga tardi ê pamodi nhos ta pirmitidu ....