Na 2015 dja asasinadu 8 pessoas na cidade di Brockton, ultimo foi un joven merkanu baliadu a tiro dentu di si carro es segunda fera.
6 KRIOLU DJA ASASINADU ES ANU...
Na 2015 dja asasinadu 8 pessoas na cidade di Brockton, ultimo foi un joven merkanu baliadu a tiro dentu di si carro es segunda fera. Na pasadu dia 13 di Agosto també un otu afro-merkanu foi encontradu morto trás di un caza abandonadu, ê foi asasinadu ku un unico tiro na cabesa. Di restu tudu kes otu vitimas di homicidio ê cabo-verdiano ou di origen cabo-verdiano.
-GILSON “PATRICK” MONTEIRO : Ė foi asasinadu a tiro na madrugada di dia domingo 12 di Julho kuandu un festa “ilegal” nun caza na Brockton transforma nun tiroteio. Gilson, 25 anu, era mecanico di profison, si tia fla ma ê ta trabadjaba ku empenhu pa ê djudaba si mai na Cabo Verde. Un otu joven cabo-verdiano , Luis Fonseca, foi prezu y acuzadu di es crime. Ė sta aguarda julgamento na cadeia.
YWROM MARTINS – Ė tinha 18 anu. Ywrom Martins morri na sequência di un briga na un campo di basquetebol na Brockton na dia 22 di Abril. Un otu joven kriolu també di 18 anu ( Anildo Lopes Correia) foi prezu y acuzadu di ter asasinadu Ywrom ku txeu golpes di faca na petu, na piscoz y na rostu.
MANUEL ANDRADE JUNIOR: Ė ta rizidina na vizinha cidade di Taunton mas ê foi asasinadu na Brockton na dia 26 di Febreru. Manuel tinha 23 anu, ê foi baliadu dentu di si carro por volta di 10 y meia di parmanhan. E morri na hospital. Policia inda ka anuncia prizon di ninhun suspeito.
MARLEY SOARES: Corpo di Marley Soares, 9 anu di idade, foi encontradu sen vida djuntu ku corpo di si mai Ariana Rosa Soares na dia 6 di Febreru na ses rezidencia na Brockton. Cazu sta investigadu como homicidio/suicidio.
STEVEN Y DAVID AFONSO - Es era irmon, es foi mortalmenti baliadu dentu di un carro na un rua di Brockton na madrugada di dia 30 di Janero. Steven Afonso tinha 28 anu y David Afonso tinha 26. Policia sta investiga cazu, ninhun suspeito inda ka foi prezu.
Na 2014 kontici 12 homicidios na cidade di Brockton, es anu dja kontici 8 y 6 enluta kumunidadi cabo-verdianu, un kumunidadi ki diariamenti ta vivi sob impacto di crimes violentu embora autoridades sta fla ma crime sta reduzi na cidade. Pa cabo-verdainos e ka facil di konvenci ma rialmenti crime sta diminui. fonte:ondakriolu
COMMENTS