3 assassinato na ilha di Santiago na espaço di 24 hora

Nelo confessa policia ma foi el ki mata si irmon pamodi un prublema di herança. Dipos di discuson e dexa si irmon bai deta y, ku matxadu na mó

3 assassinato na ilha di Santiago na espaço di 24 hora
NA RIBEIRÃO MANUEL FOI IRMON KI MATA IRMON...
Ku matxadu. Na cabeça.
Silvio Varela, di 47 ano, na foto, ta moraba na concelho di Tarrafal mas ê bai passa festa di Nha Santa Catarina ku si irmon Nelo ( Manuel Varela, 43 ano) ki ta vivi na Ribeirão Manuel, concelho di Santa Catarina. Es parmanhan di quarta-fera policia bai atxa Nelo dentu kuartu na ladu di corpo sen vida di si irmon + grandi.

Nelo confessa policia ma foi el ki mata si irmon pamodi un prublema di herança. Dipos di discuson e dexa si irmon bai deta y, ku matxadu na mó, ê bai surprendel na kuartu. Golpe foi fatal.

Kel li foi terceru morte matadu ki kontici na ilha di Santiago na espaço di 24 hora. Primeru foi Ciza, un sinhora di 50 anu ki foi assassinadu a tiro pa ladron di porco na madrugada di terça-fera na Achada Eugenio Lima, na Praia. Na mesmu dia mas + tardi foi un homi di 53 ano ( Jeronimo) foi assasinadu a tiro di pistola “boca bedju” na bairro de Calabaceira, tambe na suburbio di Praia. Assassino di Jeronimo, un tal Russo, entrega cabeça y ê sta spera julgamento na cadeia enkuantu ka ten nobidadi di assassino di Ciza ki inda ka pegadu.

Pa alen di tudu es crimes ki dexa familias enlutadas un criança di 5 ano ( Sadiana Jaqueline) morri na hospital di Praia dipos di kai di un segundo andar na Achada de S.Filipe, també na Praia. Tudu pamodi un maldito cassu-body.

Si mai dexal ta durmi pa bai ti esquadra a uns 50 metros undi si marido bai da quexa pamodi ê foi assaltadu y agredidu a koronhada pertu di si caza pa un grupo di gatunos y kuandu ê volta ê encontra Sadiana dismaiadu na txon pertu di entrada di prédio. Sadiana provavelmenti korda di sono assustada y é debrusa na janela mas ê kai. Ê lebadu hospital ku vida mas medicos ka konsigui salval. fonte:ok