Cantor Maicam Monteiro “indignadu” ku certos artistas di Cabo Verde

kuazi ninguên ka bai pamodi ê fla ma un grupo di 3 artistas conhecidos ( Djodje, Ricky Boy y Dinamo) rezolvi fazel konkurrencia

Cantor Maicam Monteiro “indignadu” ku certos artistas di CV
KONKURRĖNCIA DEZONESTU...
Nun mensagen ki ê manda pa Onda Kriolu Maicam Monteiro, artista cabo-verdiano rezidente na Lisboa, fla ma ê passa un mes ta prepara lansamentu di si CD/DVD es sabado 14 di Novembro na discoteca Glow, na Seixal. So ki kuazi ninguên ka bai pamodi ê fla ma un grupo di 3 artistas conhecidos ( Djodje, Ricky Boy y Dinamo) rezolvi fazel konkurrencia desleal. Es 3 artistas atua es mesmo sábado na discoteca OP, na Cacém. Na si mensagem Maicam Monteiro ta xplica pamodi ki ê ta pensa ma foi dezonestidadi di ses parti:

“Durante un mes N’passa kuazi 24 hora por dia ta fazi publicidade pa lansamento di nha trabadju na discoteca Glow mas un grupo dicidi fazi festa na mesmu dia y inda por cima es fazi konkurrencia dezonestu. N’Poi bilhete 15 euro pa homi y 10 pa mudjer, N’poi es presu pamodi tinha oferta di un CD/DVD y un bebida di graça. Es nau. Es es poi 10 euro pa homi y 5 pa mudjer ( si ti nha mudjer ta bai, purduan brincadera).

Mi N’kumesa fazi publicidade mutu ses frenti, mas es bai kola cartaz riba di meu y restu es ratxa. Ami como artista N’xinti noju pamodi nos tudu nu ten nos publico, nu ka mesti passa pa riba di kumpanhero, inda por cima di kenha ki sta kumesa, mas kel li ka ta fazen dizisti, mas verdade ê ki na di meu staba poku alguén y na di ses staba cheio. Di forma ki N’sta indignadu ku nos artistas di CV ki ka ta apoia kumpanheru y ki inda por cima ta piza kenha ki kré subi y realiza si sonho”.
Assinado : Maicam Monteiro. fonte:OK