Conxi stória di Djamila, um Menina ki bira Rapaz

Ê kriadu y ê educadu sima un menina pamodi en vez di testiculo y pénis ê naci ku vagina

Conxi stória di Djamila
EXTRAORDINÁRIO CAZU DI UN MENINA KI BIRA RAPAZ...
Ê kriadu y ê educadu sima un menina pamodi en vez di testiculo y pénis ê naci ku vagina ( orgão genital fimininu) . A-partir di si 12 anu pénis kumesa ta krial y testiculo dezenvolvi. Tudo naturalmente, sen ninhun intervenson cirúrgico. Musculos també kumesa ta dizenvolvi y voz muda. Foi a-partir di la ki Djamila kumesa ta urina sakédu. Foi també a-partir di la ki ê da konta ma a-final ê ka era fémia. Era matxu.

Maria Dulce Conceição Sanches Fernandes, + conxidu pa Djamila ou Dja, teni hoje 31 anu. Ê ten mudjer mas ê ka ten fidju.
Nascidu y kriadu na Achada de Santo Antonio, Praia, es joven piscador ka tevi di facto un infancia fácil. Ku bistidu y trancinhas ê mandadu scola, ê brinca ku boneca y ti un namoradinho ê ranjadu, namoradinho ki ê fla na nunka ê ka dexa tocal . E konfesa rambé ma nunca ê ka foi feliz na “pele” di mininu-fémia : Si “alma” foi sempri di rapazinho. Y pamodi es ta trosaba del na quinta classe ê abandona scola. També ê ta jugaba futebol na un equipa fiminino, ê ta fintaba kampu interu.

Maria Dulce “Djamila” muda di sexo, muda di vida, mas nome inda ê ka muda. E fla ma si calhar un dia ê ta mudal . Pa Mário en vez de Maria. Para ja ê sta vivi feliz ku si mudjer. Si maior sonho ê un dia ten un fidju, cuza ki ê ka sabi si ê possivel ou nau pamodi es transformason ki ê passa ek.

CAZU RARU NA MUNDO INTERO...
E rarissimo es alterason di sexo: Na mundo ê kontadu na dedo. Cazu + conxidu ê di un vila na Republica Dominicana (Salina) undi 1% di meninas ta dezenvolvi pénis y ta bira rapazinho a-partir di 12 anu ( La es ta txomadu Guevedoces)
Ciencia dja ten xplicason pa es mudanca: Ê ten a ver ku insufeciencia di un enzima ki ta txomadu S-a- redutase. Sen es enzima organismo humanu ka ta pruduzi hormónio sexual masculino didrotestosterona (DHT) ki ê responsavel pa dezenvolvimento di orgons genital masculino. Ê a-partir di puberdade ( 12/13 anu) ki nivel di es testesterona ta aumenta y enton ta kumesa “naci” orgons sexual masculino. fonte:A voz, resumidu por:ondakriolu