Joseph Andrade, ki es ta aprezenta como promutor cultural, ê prezidenti di es Kumison Regional pa Merka, coadjuvadu pa Pedro Benoliel
“JURY Ê UN CUZA FINU, Ê KA PA TUDU ALGUEN..”
Si ki es leitor ta fla , ê ka kré pa divulga si nome mas mensagem ki ê manda ê o seguinti:
“ Boa Noite Onda Kriolu, si calhar dja nhos odja nomes di membros di Kumison Regional di Merka ki CVMA aprezenta pa seleciona nomiadus pa manda pa Kumison Principal.
Na aprezentason CVMA ta fla ma di acordo ku regulamento cada elemento di jury ê “profundamente conhecedores do panorama musical cabo-verdiano”
Enton nu odja:
Joseph Andrade, ki es ta aprezenta como promutor cultural, ê prezidenti di es Kumison Regional pa Merka, coadjuvadu pa Pedro Benoliel, ki es ta aprezenta como ativista y jornalista y John Ramos (???) aprezentadu como organizador di eventos.
Es 3 elementos podi até ten algun conhecimento di muzica ( Joseph Andrade ten alguns compozison, mas e izageru konsideral MUZICO y konsidera es 3 elementos “profundos conhecedores da musica de Cabo Verde” e pura barbaridadi. Até es podi ten algun conhecimento di muzika di CV , so ki ninguén ka sabi y pa ser jury un pessoa ten ki ser reconhecido na kumunidadi, ê ten ki ser un figura ruspetadu y ku autoridade na matéria pa ora ki es dicidi ninguen ka kontesta.
Infelizmente na kampo di muzica ninhun di es “figura” ka ten kredibilidade sufeciente ou autoridadi pa julga trabadju di muzicos ou di artistas en geral. So trosa... Na Merka ten felizmenti txeu otus pessoas ku prova dja dadu na kampu muzical ki podia fazi perfeitamenti es trabadju ku konhecimento di cauza.
Jury ê un cuza finu, e ka pa tudu alguen.
ES TA PRE-SELECIONA?
Felizmenti ki es grupo ka ten nada pa seleciona pamodi es anu ka gravadu ninhun CD di muzica di Cabo Verde na Merka nen ka sai ninhun muzika, y prazu pa entrega ê ti es segunda-fera 30 di Novembro.
KUMADRIS KU KUMPADRIS...
Como ka ten muzika pa seleciona alguns membros di es jury dja kumesa ta telefona pa alguns kumadris ku kumpadris pa odja si pelo menus ês ta seleciona algun “individuo” na qualquer categoria so pa justifica ses trabadju y odja si es ta viaja di grasa pa Cabo Verde pa bai siste Noite de Gala. Paxenxa na mundu.....
Na verdade desdi ki djunta ku Unitel T+ CVMA bira so negocio, li ta konta ê lucro. Talvez ê por isso tambi ki pa jury y pa kumison es ta scodji so kenha ki es sabi ma ka ten voz ou ki ka ten mutu pa fla sobre nos profundu y verdaderu identidade muzical. Ê un pena.
Obrigadu pa atenson, n’ta ta prifiri fica anonimo”. fonte:OK
COMMENTS