Entrevista ku Lippe Monteiro: "Mi é um pessoa romântico a moda antiga"

Lippe Monteiro é um rapazinho de praia de zona lemcatxor, desde pikinote n tinha kel paixao pa musika pamode n atxal na casa

Lippe Monteiro é un artsita cabo-verdiano ki sa da criolus orgulho, y prova disso é si album "Amor ta vence", um dos midjores album lançado nos ultimos tempos... mistura de varios ristimos y generos, na el nu ta atxa um poku di tudu, funana, kizomba, afro, y otus detalhis uniku de es trabadju ki afirma Lippe Monteiro na mundo di musica. Leppe contanu ma musica é atxa na casa y ma sempre é fazel ku amor...

Continua ta lé y descubre mais di es jovem nes pikeno entrevista ki Dexam Sabi fazel.

Dexanu sabi kenha ké Lippe Monteiro?
Lippe Monteiro é um rapazinho de praia de zona lemcatxor, desde pikinote n tinha kel paixao pa musika pamode n atxal na casa, nha tio ta cantaba, e mi sempre n tive kel atrivimento, depos nha tio bem ranjanu um grupo undi nu da nome inocente, undi nu participa ku um musika na projecto "friends lovers" k Philipe Monteiro ta faseba sempre, Di la surgi opurtunidade e convite de Philipe pa nu bai grava kual na Dakar nos propio album pamodi kel musika k nu grava pa kel projeto tinha feito txeu susesso, Musika txoma sheila, nu bai pa Dacar nu grava nos album mas depos CD ka sai, i e nu ca sabi pamodi, so ki mi nka desiste di nhas sonhus, n tivi k imigra pa Portugal, undi tudu foi mas facil graças a deus.

Amor ta Venci, kuze ki bu kre fla ku es 3 palavras?
N da album nome de "Amor ta venci" pamodi ami n ta considera um pessoa romântico a moda antiga, n ta acredita na amor, e n ta acredita ma nos tudu horas k nu tem amor na nos coraçon nu ta consigui da otos pessoas.

Modi ki foi possível traze 1 album y ku vários estilos de musicas? Entre es kal ké bu preferencia
Ya mi e nha empresa Egroove Music nu kis trase algo na kel abum li, kusa diferente, pamodi ami sempre nhas musikas tem k toka coraçon de pessoas ku palavras kim ta canta.

Sem duvida é um dos melhores álbum fetu es anu, kontanu kenha ki sta por detrás di es obra?
É um album k foi produzido tudu pa nos propio empresa Egroove Music, egroove music é um empresa k dja sta na mercado cerva de 8 ano, é um empresa umdi nu ta recruta novos artista e da opurtunidade sima mi n dado.

Falanu modi ki sa ta ser apresentaçon di es álbum?
Graças a deus apresentaçon de nha album sta ser um susesso, n ca sta esperba um reaçao tao rapido perante a publicos, ami é um homem muito abençoado e felis ku tanto carinho kim ta recebi.

Perguntas rápidas respostas tambe:
Dia ou noite?
Noite

Cor preferido?
Cor preto

Um lugar de sonho?
Lugar de sonho pam vivi e barcelona

Comida preferido?
Cumida preferido e nha cumida de terra nha bom catxupa

Piscina ou mar?
Mar

Kuze ki ta atraiu na um mudjer? 
Kuse k ta atraim na um mudjer,, n atxa ma nos tudu homi o k ta ponu mas atraidu na um mudjer é sinceridade e respeito

Undi ki tem midjor publico?
Ami n ta custuma fla ma tudu lugar kim bai tem bom publicos ca ta interesa se casa sta xeio o não, é claro k nos tudu artista nu ta cre isso mas ami n ta fala pami casa xeio o não n ta da nha maximo por isso ami pami tudu cau kim bai tem bom publico.

Dexa na comentario mensagem pa Lippe Monteiro, fla kuzé ki bu ta atxa di si Musicas...