Menus un mudjer na governo di Cabo Verde

Segundo chefe di governo Jose Maria Neves foi a pedidu di propi ministra ki alega motivos di orden pessoal.

Menus un mudjer na governo di Cabo Verde
SARA LOPES DIMITIDU..
Segundo chefe di governo Jose Maria Neves foi a pedidu di propi ministra ki alega motivos di orden pessoal. Certu certu ê ki Sara Lopes dexa di fazi parti di executivo di José Maria Neves ki el propi ta passa ta acumula pasta di ministro di Economia y Estrutura Maritima ku cargu di primero ministro. Como adjuvante JMN txoma Maria de Jesus Miranda ki ta dexa cargo di Secretaria di Estado di Negocios Estrangeiros pa fica ministra adjunta di primero-ministro.

Sara Lopes era ministra di Economia y Estrutura Maritima desdi Abril di 2012, altura ki ê substitui Jose Maria Veiga na es cargu. E ta dexa sector di transportes nun profundu fragilidadi, tantu na ar como na mar.
Durante es 3 anu y tal di mandato ê kontribui pa un di kes maior crizi di sempri di TACV y ê teima na manti un Conselho di Admnistrason prezididu pa Pereirona ki dja dura ki perdi crediblidade. Sara ta sai tambe ku un nota extremamenti negativo na sector maritimo, ku afundansu di naviu Vicente ki mata 15 pessoas , dezaparecimento di Roterdan, encalhe di Pentalina y John Miller, etc. Ê ta dexa també TELECOM nun “embrudjada” ki ka ten dia di rizolvi ku grupo brazileru OI ki nen sequer ka da ministra cavaku quando es bendi ses 40% participason ki es tinha na Telecom. fonte:ondakriolu