USA: Cabo-verdiano kondenadu a prizon perpétua na Merka

E ta passa restu di si vida na cadeia pamodi pena ta exclui kualquer possibilidade di un dia sai en liberdade.

Cabo-verdiano kondenadu a prizon perpétua na Merka
MARCO RAMOS TA PASSA RESTU DI SI VIDA NA CADEIA...
E ta passa restu di si vida na cadeia pamodi pena ta exclui kualquer possibilidade di un dia sai en liberdade. Un jury di Tribunal di Bristol considera Marco Ramos, 27 ano, culpadu di homicidio di primero grau pa morte di Alex Silva, un joven barbeiro cabo-verdiano atacadu a facada na cidade di New Bedford na tarde di 31 di Julho di 2014 frenti di un loja de bebida. Era por volta di 6:40 pm.

Camara di loja filma krime. Segundo policia imagens ta mostra Marco Ramos ta assalta Alex y ta atingil ku un facada na kurason. Embora ferido, Alex, 22 anu, consigui inda txiga uns 5 minutos dipos ti un estason di policia ki lebal pa hospital. Ê morri 2 dias dipos. Assaltu foi pa rouba droga: Alex tinha marijuana na si muchila. Imagens inda ta mostra Marco Ramos ta fugi di local di crime mas ê foi capaturadu dias dipos.

Alex ta trabadjaba na Silveira’s Barbeshop, na cidade di New Bedford. Ê ta lembradu pa colegas como un bon amigo y un bon trabadjador. Familia ti inda ka komprendi pamodi ki ê matadu pa un alguns gramas di marijuana. Quanto a Marcos Ramos, ê ta passa restu di si vida trás di gradi. Ê ka so un, ê 2 vida ki perdedu... fonte:ondakriolu