Dono di Facebook rezolvi da 99% di si riqueza pa midjora vida di crianças

Marck Zuckerberg anuncia el ku si mudjer sta ben da 99% di ses asons na facebook pa un fundason pa midjora vida di crianças.

Dono di Facebook rezolvi da 99% di si riqueza pa midjora vida di crianças
CARTA PA SI FIDJU FĖMIA RECĖN-NASCIDA ...
“ Kerida Max,
Mi ku bu mai inda nu ka teni palavras pa discrevi speransa ki bu danu pa futuro. Bu novu vida sta cheio di prumesas y nu ta spera ma bu ta ben ser feliz y ku saude pa bu podi xploral na plenitude. Dja bu danu dja un razon pa nu riflete sobre mundo ki nu ta spera ma bu ta ben vivi nel. Sima tudu mai ku pai nos speransa ê pa bu kria nun mundo midjor ki kel ki nu sta vivi nel .”

Si ki ta kumesa un carta ki Mark Zuckerberg, c0-fundador di facebook, screbi pa si fidju-fémia ben lé na futuro. Pa alen di anuncia nascimento di es si primero fidju, Marck Zuckerberg anuncia també ma futuramenti el ku si mudjer sta ben da 99% di ses asons na facebook pa un fundason pa midjora vida di crianças. Ė xplica ma ê si parti ki ê sta fazi, ma ê si kontributo ki ê sta da pamodi “nos tudu nu ten responsabiliadde moral” pa tudu kriancas di proxima gerason.

Mark Zuckerberg inda ta fla na es carta ma ê un pequeno kontribuison ki ê sta da, mas di facto e 99% di 45 bilions di dolar ki ta ben ser utilizadu pa midjora vida di crianças na mundo intero . Pormenor Mark Zuckerberg fla ma ê ta da ora ki êl ku si mudjer volta di feria di paternidade i di matrenidade , mas ê garanti ma ê ta kontinua ta ser prezidente di facebook por muitos y muitos anos . So ki pa Zockerberg , 31 anu di idade , assuntos sima kel li ê mutu importante pa spera ti ora ki ê bira bedju.

Nu ta lembra ma 5 anos atras Zockerberg sina un documento (Giving Pliedje) undi alguns di kes familias + ricos di mundo ta kumpremete n a da + di metade di ses fortuna p a causas di filantropia ou di caridade durante ses vida ou enton na testamento.
Carta di Mark Zuckerberg sai, ê klaru, na si pagina do facebook . Sta na inglez, e kumpridu pamodi e ta xplica tudu motivo ki lebal, el ku si esposa Priscilla, a toma es decizon. Konfiri:
https://www.facebook.com/notes/mark-zuckerberg/a-letter-to-our-daughter/10153375081581634 por:OK