Praia - Cabo-verdiana denuncia tentativa di roubo di maletas na Aeroporto Nelson Mandela

Kuandu es sai na rua ta spera irmon di nha mai pa bem ku carru pes bai kaza es odja um sinhora ta passa ku 2 maleta di nha irmã na carrinhu di mó acompanhadu ku um funcionaria d aeroporto.

Cabo-verdiana denuncia tentativa di roubo di maletas na Aeroporto Nelson Mandela ( Praia)
E PODI KONTICI KU KUALQUER UN...
Y ê por isso ki Maria Correia sta alerta sobre es perigo. Na mensagen ki ê manda ê ta konta modi ki si irmã kuazi “perdi” 2 maletas es quinta-fera di noti na aeroporto di Praia.
MENSAGEM
“Ola bo tarde Onda Kriolu.
Antes de tudo n’ta felicita nhos pa nhos página.
Dipos n’cré pa nhos informa povo kabu verdianu, principalment kes ki ta sta fora d kabu verdi ki ta bai la pa passa féria i ki ta bai pa ilha Santiago kuzé ki sta contici na Aeroporto di Praia.
N’ten nha irmã mas pikinoti ki bai kabu verdi onti d noti i kantu ê txiga ê pensa ê perdi ci maleta. Nos mai flal enton pes bai pa casa ma kel otu dia mes ta volta pes bai busca maleta.
Kuandu es sai na rua ta spera irmon di nha mai pa bem ku carru pes bai kaza es odja um sinhora ta passa ku 2 maleta di nha irmã na carrinhu di mó acompanhadu ku um funcionaria d aeroporto. Maletas era di nha irmã, es tinha ci nomi markadu nel.
Nha mai comesa ta manda boka i funcionária d aeroporto mandal cala boka (pa ka da escandalu) .Dipos policia bem da nha irmã ces 2 maleta i es bai embora pa kaza pamodi es staba cansadu y por isso es ka sabi kuzé ki fazedu ku kes es mudjer.
N ta pidi Onda Kriolu por favor pa publika pamodi keli ka devi ser ka di hoji nem ka di goci ki debi sta contici. Nu ta pensa maletas sta perdi , a la gó sta FURTADU na aeroporto d Praia i keli podi contici ku kualker um d nos. Nu tem ki sta atento. Obrigadu Onda Kriolu i força. Nhos continua smpri asi” fonte:OK