Atenson grávidas di Cabo Verde: Zika ku efeito terrivel na desenvolvimento de crianças

Cabo Verde na principio di Dezembro dja tinha + di 4 mil casos di pessoas infetadus ku Zika desdi ki es virus foi detetadu na dia 02 di Outubro ( provavelmenti ê ben di Brazil).

Atenson grávidas di Cabo Verde
ZIKA KU EFEITO TERRIVEL NA DEZENVOLVIMENTO DI CRIANÇAS...
Pa governo brazileru ka ten + duvida: Zika virus ê cauzador di epidemia di microcefalia ki so na es ultimos meses dja pruvoka na Brazil + di 2 mil casos di deformason cerebral na fetos y crianças recen-nascidas y ki dja ê konsiderado un di kes maior catastrofe di sempri na Brazil na area di saude . (Odja noticia y video na kumentário)
Ministerio di Saude di Brazil konfirma ligason di Zika ku microcefalia dipos di identifica Zika virus na amostra di sangue y di tecidos di un bebé ki naci ku microcefalia y otus deformasons congénitas y ki kaba pa morri.
E um descuberta inedito na pesquiza cientifica pamodi inda ka tinha un kurrelason diretu entre Zika y microcefalia embora també na Polinesia Franceza houve centenas di casos di malformason cerebral na fetos y na recen-nascidos dipos di surto di Zika ki atinge es ilha entre 2013 y 2014.

Y CABO VERDE?
Cabo Verde na principio di Dezembro dja tinha + di 4 mil casos di pessoas infetadus ku Zika desdi ki es virus foi detetadu na dia 02 di Outubro ( provavelmenti ê ben di Brazil).
Si pa “pesoas normal” infeson di Zika ka ten mutu prigu, pa grávidas ê podi ten un efeito devastador na dezenvolvimento cerebral di feto ki ta rezulta nes terrivel anomalia ki ta txomadu microcefalia.
Microcefalia ê un doenca grave, ki ka ten cura, y criança ki ten el podi fica dependenti vida interu, dependenti pa kumi, pa anda y pa fazi si necessidades. E ki es doenca ta afeta cerebro, ki ta fika + pikinoti di ki cerebro di crianças normal ( Kes crianças ki na Cabo-verde depreciativamenti ta txomadu “taná” ou “atrazadu mental”)

ZIKA TA PASSA DI MAI PA FETO...
Ê ta atravessa placenta y ê ta atinge feto na fase di gestason na momentos criticos di desenvolvimento cerebral. Ê podi, porventura, infecta células di sistema nervoso central y cauza morte de feto ou altera ciclo di desenvolvimento neural. Responsaveis di saúde di Brazil sta pidi grávidas ou pessoas ki teni intenson di engravida pa ten kuidadu redobradu y sobretudo pa evita infeson di Zika. Es virus ê transmitidu pa mosquito y pa el ka ten kura ka ten vacina. fonte:ondakriolu