Fugitivu mais procuradu na mundo foi prezu pamodi si “fraku” pa atriz mexicana

El Chapo provavelmenti nunca ka ta ten chance di mostra frenti a frenti si “amor” pa es beldade. E foi recapturadu na passado dia 8 di Janero na Mexico y di es viagi Merka sta pidi si extradison.

Fugitivu mais procuradu na mundo foi prezu pamodi si “fraku” pa atriz mexicana
MUDJER Ė PERDISON D’OMI?
Pelo menus pa “El Chapo” foi...Foi principalmenti si konbersu na rede social ku atriz mexicana Kate Del Castillo ki proporciona si recaptura na passado dia 8 di Janero. Joaquín Guzmán, maior traficante di droga do mundo + conxidu pa “El Chapo”, era també homi + procuradu di mundo dipos ki ê humilha publicamenti autoridades mexicanas ku un espetacular fuga atraves di un tunel konstruido baxu di ses cadeia di maior segurança. Foi na dia 11 di Julho di 2015, era segundo bes ki “El Chapo” sta fugiba di un cadeia mexicana.
Como homi + procuradu di mundo “El Chapo” devia sabi ma pa si recaptura staba ta ser utilizadu kes + sofisticadu tecnologias di informason : satélites, aeronaves não tripuladas, intercepson di mensagens, piratas cibernéticos di governos mexicano y mercano, tudu es meios staba ta ser uzadu pa si recaptura, pa alen , é claru, di pelotons di tropas di elite y di agentes di kontra-inteligencia . Apezar di tudu es ameaças “El Chapo” baxa guarda. Por amor. Ou por paixon. Ou por simples mania di grandeza.
Manias di grandeza y vaidade lebal a kontacta y a encontra ku actor merkanu Sean Penn pa fazi un filme sobre si vida. Mas segundo “El Chapo” ta fla na un mensagen pa atriz Kate Del Castillo ê staba + interessadu na conquista es atriz mexicana di ki na filme propriamenti dito ( Filme era so un pretexto pa futuros ku es atriz ki pessoalmente e ka konxeba).
“Te cuento que yo estoy más emocionado en ti que en la historia, amiga” si ki sta scritu na un di kes mensagen ki es narco-traficante manda pa Kate ”. Na maioria di mensagens é ta expressa si amor y admirason pa si “enamorada” , e ta jura ma ê ta kuida del “midjor di ki si odjo” ( Kate tambe staba receptiva, ê respondi ma nunca ninguen ka tratal si).
El Chapo provavelmenti nunca ka ta ten chance di mostra frenti a frenti si “amor” pa es beldade. E foi recapturadu na passado dia 8 di Janero na Mexico y di es viagi Merka sta pidi si extradison. Pa evita un terceru fuga.
(PS- Mudjer foi sempri “ponto fraco” di El Chapo. E ten 18 fidju y e sta cazadu ku un mudjer 30 ano + nobu). fonte:ondakriolu