Holanda: Cabo-verdiano Natalino Nunes é Primeru Heròi de Anu 2016 na Holanda

Natalino Nunes è um caboverdiano di 28 anu ki è professor di Liceu na Holanda, è salva um rapaz di morre fogado na riu na primeru parmanhan di es novu anu, na dia 1 di Janeru.

Policia di Holanda da Natalino titulu di ”Primeru heròi di anu 2016”

Es caboverdiano di Rotterdao ka pensa 2 bès: è salta na agu di Parkhaven e è salva um pessoa. È arma treme pamodi agu staba gelado, mas Natalino ka tevi otu opson.
Des manera ki è ta odja si reason: ”Klaru ki n salta pa n salval, mas si n ka fazeba nada, kela ta persiguiba mi nha vida interu. N ka ta podeba odjaba mi na spedju”

Natalino fla ma è atxa ma keli ki è salva alguen, è kusa ki staba pa kontisi, pamodi na note di fim di anu è staba na festa, houve quatro bes ki è staba kuase ta sai pa è bai si kaminhu, mas è ka konsigui bai embora pa casa na hora ki è kreba bai pamodi si amigus ki tadjal.
Mas kantu staba 8 hora di parmanhan è dicidi pega si carro e bai pa casa, primeru è leba si amigus pa ses casa e depois è konduzi pa si casa undi ki è ta mora ku si familia.

Mas direpente na kaminhu di casa parce 2 mudjer na meio di strada ta sanal ku mò. Mudjeres flal ma um homi kai na agu, kantu è odja è nota ma alguen staba dentu di agu, è sai di carro, è txoma policia , mas è odja ma jovem sta fikaba sem força dja è ka sta aguentaba na agu.
”Na um certo momento dja è ka sta reagiba mas e è komesa na bai fundu. Pa fla verdade n staba ku medu di salta na agu pamodi di friu, mas n ka tevi otru opson, n tinha ki bai si tras.”

Dentu kel agu sukuru, Natalino konsigui atxa rapaz e è trazel pa riba. Dipos so ku um braço è segura rapaz ki staba inconciente. Natalino konta ma ku kelotru braço è pega na um skada ki staba na bera di kel cais altu.

Dipos ben txiga um agente ki inda bai bisti um fato special pamodi dje sabia ma agu staba gelado.
Natalino fla ma el dentu di agu ta segura rapaz, è grita pa agente dispaxa pamodi ma è sta fikaba cansado. Dipos di alguns minutus finalmente es tradu di agu.

Rapaz ki salvadu è um jovem di 25 anu, ki kai na agu pamodi è staba moku dimas.

Kantu tudu alguen dja staba sao e salvo, policia leba Natalino Nunes pa kasa di si mae. È txiga ku manta na korpu si mai spanta, policia xplika ma Natalino è um hèroi pamodi è salva um alguen kel dia. Por isso policia di Rotterdao e guentis di si zona dal titulu di ”Primeru Heròi di Holanda Di Anu 2016”

È perguntadu si è ta xinti ma el è um hèroi, è fla ma ora ki es ta flal si, kela ta dal so graça.

Algemene Dagblad (AD), fonte:dypk