Joven ki mata a tiro delinquente na Ponta D’Agua so foi acuzadu di porte ilegal di arma

Es krime kontici sexta-fera di noti quando Edson Lopes, delinquente conxidu na zona, assalta di arma en punho un caza na Ponta D’Agua ku intenson di rouba

Joven ki mata a tiro delinquente na Ponta D’Agua so foi acuzadu di porte ilegal di arma
JAIR ROCHA SOB TERMO DI IDENTIDADE E RESIDENCIA (TIR)...
Jair Rocha, 21 ano, autor di disparo ki mata Edson Lopes es sexta-fera na Ponta D’Agua entrega cabeça na policia y dipos di aprezentadu na Tribunal ê sai en liberdade condicional acuzadu di porte ilegal di arma. Ê fika sob Termo di Identidade y Rezidencia y ê debi aprezenta regularmenti na autoridades. Quanto a morte di Edson Lopes, Policia Judiciaria sta investiga pa sabi si foi ou nau legítima difeza.

Es krime kontici sexta-fera di noti quando Edson Lopes, delinquente conxidu na zona, assalta di arma en punho un caza na Ponta D’Agua ku intenson di rouba ( caza ten un mercearia). E staba acompanhadu di + 2 kumpanhero. Segundo informasons ka era primeru bes ki Edson sta assaltaba es caza. Na altura dona di caza ka staba (ê bai kumpra pon na padaria pa bendi na mercearia ) y si fidjo Jair staba el so na caza ku si irman + pikinoti.
Segundo relato disparo ka kontici na rua sima inicialmenti foi ventiladu, mas sin dentu caza. Dipos di tiro atingi Edson na petu ê sai pa rua undi ê kaba pa morri (foto).
Arma di crimi, un pistola di 3.35 milimetros, foi encontradu na caza y konfiscadu pa policia.
Jair konxeba Edson dretu, pamodi es ta moraba pertu kunpanhero. Jair ê konsideradu un rapaz educadu ki ta trabadja ku si familia na mercearia. Edson, 22 ano, era pelo kontrario konxidu como delinquente ki ta passaba vida ta spadja terror na zona. Policia sta djobi kes 2 otus delinquentes ki participa ku Edson na es malogradu assaltu. fonte:OK