OceanPress publika um kazu ki ta mostra klaru desemprego e pobreza na sociedade de Cabo Verde

Jovem chefe di família ka teni oportunidade pa futuru, dje perdi speransa de plania um futuro midjor pa el ku si família, mas è ta luta pa ki pelo menos e podi garante pon di kada dia pa si fidjus.

Edilson Santos, de 21 anu,ta vive ku mudjer e si 2 fidjo na bairro de Kastelom , na Praia, na um barraka pikinoti fetu na base de padas de madera.

Ocean Press publika um kazu ki ta mostra klaru desemprego e txeu pobreza na sociedade de Cabo Verde.

Edilson Santos konta ma dje perdi speransa de plania um futuro midjor pa el ku si família, mas è ta luta pa ki pelo menos e podi garante pon di kada dia pa si fidjus.

Motivos ki teni es jovem nes desanimo, è kes munti tentativa ki ka da certu di konsigue emprego na algums instituisom sima hospitals, padarias, etc.

Edilson termina 12º anu na liceu Domingos Ramos e logo è entra pa vida de trabadju undi kè prendi fazi um poku di tudo e ti hoji è sobrivive ku trabadjos de biskaite na txeu lugares.

Ku odju triste, es jovem konta me tem um amor pa disporto è ta akredita ma è tem potencial na jogu de basketibol.

Es jovem fla inda ma na si bairro, me ta vive na um dilema, pamodi ma è ten amizade ku pessoas ki sta na 2 grupu rival de “thug” na kumunidade de Kastelom.
È konta ma è ta passa mas tempu na kaza ku familia, pa è ka korri risku di ser odjadu ta konvive ku kes grupus rival.

Es jovem chefe de família ta sunha ku atxa um trabadjo, assi pa è podi da um futuro midjor pa si família. fonte:oceanpress, dypk