Praia: Mudjer atxadu sem vida na Tchadinha, suspeitu de assasinal é...

Madona era mutu konxedu na si zona, è ta abusaba txeu de bebida álcooliku e è ta fazeba prostituison.

Um mudjer konxedu pa “Madona”, ki ta moraba na Ponta d Agua, atxadu sem vida dentu um kasa na localidade de Tchadinha, na Praia.

Segundu informason ki DYPK recebe, es sinhora ki ten mas ou menus 40 anu, foi enkontradu nes madrugada de dia 19, por volta de 02:15. Es atxal mortu, riba um cama. Na ladu de vitima, staba si filha pikinoti, es criança staba ta durmi.

Pessoas ki steve presente na local de crime, fla ma es atxa korpu de vitima na um situason mutu chocante ki ka ta da pa odja. Na quarto undi ki es senhora staba e tambe na quintal de casa atxadu sangue.
Tudu sta indika ma keli foi um homicídio (alguen ki mata es sinhora).

Testemunhas fla ma antes de policia txiga, es odja kumpanheru de Madona ta sai de kel casa undi ki kontisi crime. Es testemunhas ki staba na local inda afirma ma kantu kumpanheru des senhora sai è fla ma dje mata Madona. Um outru mudjer ki è tambe mae de filha des homi suspeito, è informa autoridadeses ma es homi flal ma el ki komete es crime.

Ti es momento autoridades ka obi es senhor, pamodi inda es ka encontral.

Vitima Madona ten fidjus ku es homi ki è suspeitu de assasinal. Pa kel ki sabedu es casal era konxedu komu um casal mutu problematiku, ki ta tinha manenti problema ku kumpanheru. Es ta moraba na Ponta d Agua, pertu de rotunda.

Madona era mutu konxedu na si zona, è ta abusaba txeu de bebida álcooliku e è ta fazeba prostituison. fonte:dypk