Primeru cuza ki bu podi fazi pa bu sabi si un perfil ê falso ê djobi si ê ten amigos y djobi comentários di si amigos na si fotos y publicasons.
TARADUS PODI STA UZA NOME DE ARTISTAS PA FAZI DAMAS PRUPOSTAS INDECENTES…
Foi cuza ki kontici ku Pura Criola Semedo, dama rezidenti na França.
Pura Criola, esquerdo na foto, ti inda sta konvencida ma ê cantor Charbel Pinto ki pidil fotos picantes y mandal fotos di si parti intimo durante un konbersu na facebook. Tudo kumesa ku un simples “oi, tudo bem” mas minutos dipos es supostu Charbel pa alén di fazel prupostas indecentes dja sta mandaba fotos di si orgão genital. Pura Criola fla ma ê fica surpreendida y chocada pamodi ê ka ta speraba un tal comportamento di un cartor ki ê ta konsidera “muito especial”.
MODI KI BU TA SABI MA UN PERFIL Ê FALSO?
Infelizmenti na es mundo virtual ten txeu alguen ki ta uza nome y foto di otu pessoas pa tra algun tipo di pruveito. Ten otus ki simplismenti ta inventa un nome y ta uza foto de pessoas desconhecidas pa kria un perfil falso.
Primeru cuza ki bu podi fazi pa bu sabi si un perfil ê falso ê djobi si ê ten amigos y djobi comentários di si amigos na si fotos y publicasons. Kel li bu debi fazi antis di aceita si pedido di amizadi. Artistas sima Charbel debi ten milhares di amigos na fb y milhares di siguidores, portantu ka era dificil discubri si es perfil era falsu ou nau.
Dipos “studa” fotos ki ê poi na facebook: Djobi si ê ta parci por exemplo djuntu ku amigos y familiares ( Discunfia di kes alguen ki ta parci sempre es so ou di kes fotos perfeitos ki kualquer un podi tra na internet). Lé també ku atenson si perfil: Djobi si ê screbi algun cuza ki ka ta kombina, ki ta parceu stranhu ( normalmenti kes donos di perfil falso ta screbi so cuzas bunito pa alén di engaba ses cabeça).
Mas sima dja nu fla ê ka so pa artistas ki es “impostores” ta kré da pa el. Ten txeu ( homis y mudjer) ki ta abri diferentes conta na facebook ku diferentes nomes y ku diferentes fotos pa engana pessoas. Motivos ê txeu ( ka interessa rezumi li sin). Importanti ê pa bu fica atentu y pa bu sabi distingui ora ki un perfil ê falso. Al-vez ê na kombersu ki bu ta panhaz ( como es ta sta so na mintira txeu bes es ta papia es ta squeci ou enton es ta kai na kontradison)
També discunfia di kes pessoas ki antis di conxeu dretu dja pidiu fotos intimos ou dja declarau amor. Es sta la so pa kel la, portantu toma atenson.
(PS- Pura Kriola Semedo infelizmenti ta fika sen sabi si es Charbel ki e papia kol ê “falsu” ou nau. E ka podi odja + si perfil pamodi ê foi blokiada logo ki e ameaça ku manda fotos y konbersu pa Onda Kriolu,). fonte:ok
COMMENTS