USA: Rapper cabo-verdiano Tem Blessed sta spadja un novu mensagem pa nova gerason

Pa Tem Blessed Hip hop ê voz di juventude, por isso ê ta encoraja jovens a uza es arma pa ben di Planeta Terra. Pa ben di Humanidade.

Merka: Rapper cabo-verdiano Tem Blessed sta spadja un novu mensagem pa nova gerason

THE WORLD NEEDS TO KNOW ABOUT THIS...
Mundo (Planeta) mesti sabi ma ê sta amiasadu. Amiasadu di morte. Homi sta kema florestas, sta kontamina solo, sta distrui rios y sta polui ar y sta poi en prigu vida di tudu alguen ki ten riba mundo. Ê sobre es amiasas ki ta poi en cauza sobrevivencia di humanidade ki Tem Blessed ta txoma atenson na si muzika. Através di hip hop ê ta papia diretamenti ku jovens sobre sustentabilidade ambiental, ê ta uza muzica pa inspira, pa educa y pa konsciencilaiza jovens, tantu na Merka como undi ê ta bai da xpetáculos. Pa Tem Blessed Hip hop ê voz di juventude, por isso ê ta encoraja jovens a uza es arma pa ben di Planeta Terra. Pa ben di Humanidade.

MUNDO TEN KI OBI ES ASSOBIO...
Nome verdadero di Tem Blessed ê Temistocles, ê naci na Cabo Verde mas ê kria na cidade di New Bedford, na Merka. Di Cabo Verde é kré transmiti pa mundo kel vivencia di antigamenti, kes pequenos stórias ki ta ilustra modi ki mundo debi rispondi a prublemas ambiental ki sta poi en cauza si sobrévivencia ( Ê fla ma si pai ora ki sta mesteba es era só da un assobio, logu tudu meninos ta korreba pa bai risponde. Si es ka bai es tinha prublema)
“E es assobio ki humanidade mesti obi pamodi sta en kursu un crizi, si já já nu ka fazi nada nu ka ten futuro. Cientiastas dja dura ki sta da es assobio, alto y ben klaru. Ê tempu di nu fazi algun cuza”
Mensagem di Tim Bressed poku a poku sta entra na kaximonia di jovens merkanus y si luta y si talento ê reconhecido pa criticos y ambientalistas ki ta konvidal pa entrevistas, konferéncias y workshop sobre konsciencializason ambiental. fonte:OK