"Cabo Verde, Nka sabi ce pam bai ou pam fica", odja Carta pa Cabo Verde de Alex Semedo

Cabo Verde sta cima tchota na mo de rapazinho, um ta fla nu mata kelotu ta fla larga, na Cabo verde politicos ta maxi ta engana povo so cu promesas

Cabo Verde  nha terra sodade  bo di max, ami esta li triçado cu frio, nruma nha mala pam bai pa nha terra kanto txiga la ka dam vontade bai pa europa max. Pensa na fica max nka sabi cuze kim  ta  pega  nel.

Cabo Verde sta cima tchota na mo de rapazinho, um ta fla nu mata kelotu ta fla larga, na Cabo verde politicos ta maxi ta engana povo so cu promesas, ex ta briga aumento de cex salario, maioria d policias ki sta empregado foi atraves de madrinha cu padrinho, es sta la e ka pmd ex gosta e pmd falta de emprego, policias tudu bes ki mata é sempre legitima defesa.

Casa dja pega lumi, Acidenti, Bombero nunka ex ka ta tchiga na hora ex ta maxi ex ta fazi grevi pa aumento de salario. Imigrante hora ki tchiga ta aproveita so na menores e ex ta enganax mex ta lebax pa estrangero. Estudante cursado forma na europa cu diplôma guardadu dento vitrina, impregado de estado chintado bem chintado trabadja pouco levi chinta frente faceboock de parmanhan ti hora bai casa tchiga, fim de mes recebe.

Artista é  kel um na tudu festa kim bai. jovem cu 12° chintado mo marado pe cruzado d parmanhan pa  noti cem nada pega nel cu espera na promesa kex fazedo, ou na beco ta spera fidjo parida pada col na tchom pa toma, ci bu ka dax ex ta mata.

Hospital goce dja bira descoteca é po paga po bai djobi doente, Igreja goci é pa bu paga po bai reza. Telivisom ex ta da so nuvela brasilero e video americano. Traficante ta leba de longe stado ta toma ta poi na cex bolso. Trabadjo é pouco ci bu ta laba caro e biste roupo largo e ci bu tem rasta es ta flado de bandido. Salario menino é 10 mil escudo trabadja na loja chines ta recebi 5 conto pa mes, luz cu agu ta paga 10 mil pa mes.

Tudo kel ke de nox k tem valor. Chines, Angolanus, Portugues djex ka toma. Nos avion sempre cu probulema. Nka sabi ce pam bai ou pam fica.

ALEX SEMEDO